Dili, 22 Juñu 2026-Traballador Timor oan ho naran Eduardu Manglapy mout iha Lagoa ida iha portugal, antes akontesimentu ne’e matebian ho nia kolega sira nain tolu atu ba kail ikan iha Lagoa
Tuir sasin Raul Gonsalves Pereira ne’ebé hamutuk ho matebian Eduardu Manglapy hateten, nain tolu ba kail iha Lagoa maibe too iha Lagoa la kail ikan maibe sadik malu haris iha lagoa, nune’e rezulta Eduardu lakon vida tanba lagoa naruk, matebian labele nani no sira koko atu ajuda maibe la konsege salva matebian noia vida
“Iha lokraik tuku 5 lokraik Patraun ho maun Edu ho maun Jery bolu hau hemu kafe, maibe hau dehan lokraik ne’e hau la ba ida hau atu haris, entaun sira nain tolu patraun mak lao ba kafe, tanba hau ho kolega Brazil ne’e iha uma de’it, ami rua kolega Brazil han tiha apel, hau dehan ita nain rua lao ba hare ema kail, ami lao ba paz maun Edu ho patraun sira mos tama mai, hetan hau ho Brazil ami lao ba sira tuir ami ba, Edu atu foti kail, maibe kail at ona, Edu telefone hau husi Watssapp, hau dehan Edu lori rede mai hau mak soe hau konsege soe duni maibe la hetan, entaun ami haris” dehan Raul GonҪalves husi via telephone whatsapp
Nia Informa, antes atu haris husu ba matebian dehan nani hatene ka lae Matebian mos hatan katak nani hatene, entaun Matebian ho Jery mak nani uluk to iha klaran Matebian nia is boot hodi husu ajuda nune’e kolega sira konsege ba ajuda maibe labele tanba be naruk to matebian is laiha no lakon vida
“hau dehan Edu ita haris hanesan ne’e imi hatene nani ka lae, hau hatene nani, karik imi la hatene nani ita lalika haris ida, dehan hatene hotu entaun ami haris ona, ami atu haris husi sorin ba sorin, nani primeiro maun Jery ho maun Edu sira uluk tiha hau, hau ikus to iha klaran maun Edu is boot ona maun Jery nani sai mai ninin Edu iha klaran dehan ajuda, entaun hau fila fali ba ajuda kaer iha kalin hun la biban entaun nia hanesan tiha hau tun tiha be okos, hau hit an sae fali, hau husik nia hau dehan Edu hau labele ona tanba naruk liu, hau nani kotuk sai ba ninin, hau hakilar ajuda sira nain hira tama ajuda maibe labele ona tanba naruk liu to nia is laiha nia tun tiha ba okos” nia hatutan
Alende ida ne’e matebian la konsege salva hodi lakon nia vida iha Lagoa Portugal, maibe matebian ne’e ba Portugal liu husi Agensia Zeus Travel hodi buka nia moris iha Portugal maibe ikus mai lakon nia vida iha lagoa
Tanba ne’e Diretur Agensia Zeus Travel, Julio da Costa Oliveira Pinto mos hakat ba Matebian nia Residensia iha Kampun Merdeka Dili hodi hato’o nia Sentido Kondolensia ba Matebian nia familia sira, no husu matebian nia familia kona-ba prosesu ba mate isin mai Timor, no mos prosesu Funebre nian ba Maktoban Eduardu nian
Matebian orijen husi Munispiu Ermera, Posto Hatulia, Suku Koliati, matebian husik hela nia Fen ho oan nain 3 oan Feto 1 no mane 2, Oan mane ikun foin halo fulan ida aman husik nia ba mundu seluk
Ekipa kobertura: Zeus News
