Dili, 23 Juñu 2026-Kadaver Francisco Guterres “Lu-olo” to ona iha Aeroporto Internasional Presidente Nicolau Lobato Komoro Dili, ho Aviuan Aero Dili, iha loron 23 Juñu 2026 hale’u tuku 06:35 otl, ne’ebe situasaun iha Aeroportu povu simu Saudozu nakonu ho tristeza boot no matan-ben
Alende ne’e maktoban Francisco Guterres “Lu-olo” nia mate isin simu direita husi Governu Timor-Leste no familia ho parada militar molok translada ba nia residensia matebian nian iha farol dili
Enkuantu Saudozu hetan akompaña husi nia espoza Dona Cidalia Lopes Nobre Mouzinho Guterres ho nia oan nain haat Francisco Cidalio Nobre, Nobrezino Guterres, Samd no Dalia Luliana Nobre Guterres no mos akompaña husi Sekretariu Jeral Partidu FRETELIN, Mari Bin Amudi Alkatiri
Prosesu hatun kadaver husi Aviaun Aero Dili hetan akompañamentu husi Primeiru-Ministru Interinu, Mariano Assanami Sabino no militar nain 10 mak lori maktoban bai ha parada nia fatin hodi entrega ba fali militar nain 8 simu ho parada hafoin lori mata isin ba fatin ne’ebé Governu prepara ona ba karru Funerariu
Entretantu iha Aeroportu simu direita mos husi familia maktoban nian, representante Presidente Republika, Xefe Casa sivil, Eis Primeiru-Ministru Taur Matan Ruak, membru governu, membru Parlamentu Nasional, Tenente-Jeneral Falur Rate Laek, veteranu sira Lere Anan Timur no kuadru Partidu Fretelin ho simpatizantes sira husi partidu Fretelin inklui komunidade sira iha kapital Dili
Iha prespektiva ne’ebé iha Aeroportu Internasional Presidente Nicolau Lobato komoro dili povu sira ho emosaun ne’ebé nakonu ho matan ben hodi simu Saudozu Francisco Guterre “Lu-olo, tanba saudozu nu’udar Eis Presidente Republika no atual Presidente Partidu Fretelin ne’ebé nia hakotu is iha hospital Price Court Kuala Lumpur, Malazia iha tuku 23:15 oras Malazia iha loron domingu 21 Juñu 2026
Alende iha areadores husi rotunda Presidente Nicolau Lobatu to mai iha farol nakonu ho komunidade estudante hanesan funsionario publiku sira hodi hein iha dalan nune’e fo sentidu kondolensia ba saudozu Francisco Guterres “Lu-olo”
Povu Timor-Leste senti triste tanba saudade ne’ebé nakonu ho matan-ben laos ba nia familia deit maibe ba nasaun no povu Timor-Leste tomak ne’ebé saudozu Francisco Guterres hadomi no servi desde iha luta independensia too Timor-Leste Ukun rasik An (URA) no asume kargu ida importante hanesan presidente Assembleia Konstituiante, Presidente Parlamentu Nasional ikus liu Presidente Republika Demokratika de Timor-Leste (RDTL)
Enkuantu to’o iha maktoban nia rezidénsia Farol simu ho liafuan bem-vindu husi nia alin Domigos Guterres hodi hamulak tuir lisan no ritual ne ‘ebé iha molok hodi saudozu tama ba uma laran tau iha fatin ne ‘ebé prepara ona.
Entretantu Tuir programa ne’ebé fo sai ona husi Governu no familia hamutuk ho Partidu FRETILIN, sei presta omenajen hahú husi Prezidensia Republika, Parlamentu Nasionál, Primeiru-Ministru, Prezidente Tribunal Rekursu, Konferensia Episkopal Timorense (Dioseze Dili, Maliana no Baucau), konfesoens relijiozu sira, eis-titulares, membru governu ho instituisaun estadu no mos bainaka sira seluk ne ‘ebé prezente liu husi sira nia reprezentante diplomatiku sira iha Timor-Leste.
Ekipa Kobertura: Zeus News
