Dili, 18 Agostu 2026 — Aero Dili seidauk fó konfirmasaun kona-ba serteza operasaun voo ba Nusa Tenggara Timur (NTT), Indonézia, maski iha ona diskusaun kona-ba planu atu haburas koneksaun aérea entre Timor-Leste no NTT.
Diretor Aero Dili, Lourenço de Oliveira hatete, Governador ho intensaun bolu hodi diskuti konaba Aero Dili voo ba Nusa Tenggara Timur (NTT) Kupang ho Kupang mai Dili no Dili ba Darwin, tanba ne’e Governador NTT hakarak Aero Dili ba ba NTT.
“Bolu hau ba sira iha intensaun se bele karik Aero Dili semo ba kupang, kupang-dili, Dili-darwin ida ne’e mak sira nia intensaun. Governador nia intensaun se bele karik nasaun tolu ne’e Aero Dili bele semo iha ne’ebá” dehan CEO Aero Dili Lourenço de Oliveira iha Timor Plaza Lantai 3
Alende ne’e nain ba Aero Dili husu ba Governador NTT dehan Aviaun sloot la iha ona no oras la to ona hodi semo ba Nusa Tenggara Timur (NTT) Kupang, maibe hein tinan oin
“Hau momentu ne’e hau dehan ba sr. Governador ami aviaun nia sloot la iha ona oras la to ona para atu semo tan, sloot la iha ona ne’ebé ami atu semo karik ami hein ba tinan oin. Karik ami amenta tan aviaun ida diak para oras ne’e to para semo tan ba iha kupang. Se agora governadir hakarak semo sedu ne’e hau la sangup. Laos dehan la semo lae sei semo mais laos urjenti hanesan ne’e” nia hatete
Bainhira Aviaun atu semo ba ema nia nasaun tenke iha akordu bilateral ida hodi halo operasaun iha ema nia nasaun
Enkuantu Timor-Leste nia aviaun iga rua deit no agora dadaun semo ona ba Indonesia, Malaysia, China, Singapura no Australia ho ida ne’e mak oras la to hodi semo ba NTT.
“Tanba ita nia aviaun rua deit halo nusa mak ita bele kobre fatin barak hanesan ne’e serake agora ne’e ita semo ba nasaun hira tiha ona semo ba China semo ba singapura ba indonesia ba Malaysia ba Australia entaun se ita halo buat ne’e dala ruma oras mak la to tiha ona, ne’ebé tinan oin se maromak tulun ita amenta tan aviaun ida entaun ita bele semo fali tan ba fatin sira ne’ebé ba dala rua”.
Diskusaun ne’e akontese iha inkontru entre Diretor Aero Dili ho Governador NTT, ne’ebé diskute kona-ba posibilidade Aero Dili atu halo operasaun voo ba Kupang, NTT.
Maski planu ne’e iha ona diskusaun, Aero Dili seidauk determina data ofisiál ba inísiu voo no seidauk fó konfirmasaun kona-ba jadual operasaun rota Dili-Kupang.
Operasaun rota aérea foun presiza konsidera aspetu tékniku, administrativa no prosedimentu relevante molok bele komesa. Tanba ne’e, públiku presiza hein informasaun ofisiál husi Aero Dili kona-ba desizaun final.
Se rota Dili-Kupang ne’e realiza, espera katak bele fasilita mobilidade sidadaun sira no haburas liután relasaun ekonomia, komérsiu no turizmu entre Timor-Leste no NTT.
Jornalista: Anis/Mateus
