Dili, 08 Setembru 2026-Komisaun Organizadora hamutuk ho Polisia Nasiona Timor-Leste (PNTL) no Falintil-Forsa Defeza Timor-Leste (F-FDTL) atuliza informasaun ba publiku konaba selebrasaun misa resto mortais bispu nain haat no transladasaun resto mortais preladu bispu nain haat husi Tasi-Tolu ba Igreja Catedral hodi funebre restu mortais ne’e
Presidente Komisaun Organizadora, Pe. Guilermino da Silva relata, informasaun ligadu ho selebrasaun santa Misa esplanada husi Tasi Tolu no prosesu transladasaun Restos Mortais preladu Amu Bispu nain haat husi Tasi Tolu ba Igreja Catedral Dili
“Santa Missa no aktu ofisiál sira iha Tasi-Tolu (Tuku 17:00 / 05:00 loraik): selebrasaun Santa Misa iha Esplanada Tasi-Tolu sei preside husi Sua Eminénsia Cardeál Dom Virgílio do Carmo da Silva (Arsebispu Dili no Prezidente CET, akompaña husi Amo Bispo Diosze Maliana No. Baucau ho reliziozu, rezlizioza sira hotu). Hafoin Missa, sei kontinua ho diskursu ofisiál sira husi Sekretáriu-Jerál CET (leitura despaxu), Pró-Prezidente CET, no Prezidente da Repúblika” dehan Presidente Komisaun Organizasaun Pe. Guilermino da Silva iha Tasi tolu
Presidente Komisaun Organizadora ne’e informa kona-ba dalan sira ne’ebé sei taka provisoriu bainhira Restos Mortais sai husi Tasi tolu ba Igreja Catedral Dili
“Prosesaun no horáriu taka-dalan hahú Tuku 18:00 Lokraik to’o Remata hafoin simu bensaun ikus husi Missa por volta tuku 18:30 loraik, prosisaun/konvoi trasladasaun restos mortais sei hahu husi Esplanada Tasi-Tolu, hakat liu Rotunda Nicolau Lobato Comoro, Fatuhada, Kampung Alor, Aitarak-Laran, tesik husi Rua Colmera, ba to’o iha Paróquia Nossa Senhora da Imaculada Conceição Catedrál Díli. Dalan boot tuir rota ida-ne’e sei taka totalmente ba veikulu privadu no públiku hotu, hahú husi tuku 18:00 loraik to’o prosisaun/konvoi to’o ho susesu iha Catedrál inklui estrada husi parte Igreja catedral parte liman los”
Komandante Munisipiu Dili, Asistente Komisariu Polisia, Orlando Gomes hatete, ba Sarani sira hotu atu kumpri regras disiplina hodi halo serimonia ba Misa no Funebre ba Bispo nain haat bele lao ho diak no susesu
“Komandu musipiu Dili fo hatene katak iha dia 10 sei taka iha parte rota ninian ita sei taka hahu tuku 15:00 OTL, iha Catedral sei Blokeia fatin ne’ebe Identifika ona iha tuku 5:00 OTL, atu fo onra ba serimonia funebre ba resto mortais, wainhira ita selbra misa iha tasi tolu tantu serimoniu funebre iha Catedral, ba Sarani sira tomak tenke kumpri regras kondiku transitu nian, atu nune’e ita nia serimonia ne’e bele lao ho Susesu” dehan Komandante Munisipiu Dili
Jornalista: Mateus F. de Deus
