Dili, 7 Setembru 2026– Vise Primeiru-Ministru (VPM) no Atual Presidente Partidu Demokratiku (PD), Mariano Assanami Lopes hatete, Partidu Demokratiku iha ona figura diak ida hodi kaer pasta Ministeriu Ensino Superior Siensia no Kultura (MESSK) ne’ebé lista naran kuaze 20 tama ona iha Konsellu Ministru (KM) hodi deside
“sim iha ona figura kuaze ke lista ne’ebé ke tama ne’e iha rua nulu ida hanesan ne’e husi reitor sira eis reitor sira depois husi intelektual barak maka iha ne’eba” dehan VPM Mariano Assanami Sabino Lopes, iha CCD Caicoli Dili
Nia dehan, laos lider ida deit hodi ba kaer kargu Ministeriu Ensino Superior Siensia Kultural (MESSK) maibe ita presiza hadia sistema atmosfera no ema nia utilidade hodi halo servisu iha Ministeriu nia laran
“prontu ita presiza laos deit ema ida para atu mai lider presiza hadia sistema atmosfera ema nia utilidade para servisu ne’ebé maka iha ministeriu i ministeriu tenke unifika para sira iha forsa ida iha sistema ida para traballu ne’e bele diak ida ne’e mak importante figura ita iha, ne’e depende primeiru ministru ho presidente agora iha ona primeiru ministru mai ita sei hato’o depois sei hare” nia dehan
Nia hatete, PD prepara ona figura 20 resin maibe sei presiza halo selesaun tanba barak mak kaer instituisaun independente nian laos iha Partidu Demokratiku deit no governasaun mos besik ona remata ne’ebé presiza tetu didiak.
“figura barak los mak ita sei seleksi didiak lai, pronto imi hotu hatene PD nia kuadrus ne’e barak mos kaer instituisaun independensia laos iha deit PD entaun ita tenke seleksaun halo didiak tanba governasaun badak ona ita presiza ne’ebé ke familiar koñese programa governasaun ne’e para fo kontinuidade tanba Ensino superior ne’e importante teb-tebes nia tutan husi Ensino Sekundariu sira” nia informa
Jornalista: Aniceto da Silva
