Dili 01 Julhu 2026-Ministériu Defeza realiza reuniaun ho Ministru da Defeza Nasionál CPLP ba dala 25 no mos realiza reuniaun entre Diretores ba Politika Defeza Nasional CPLP ba dala 23 ho tema “Refirça o Papél das Forças Armadas na Consolodação do Direito Democrático”.
Objetivu husi reuniaun ne’e atu halo planeamentu administrativa servisu tomak ne’ebé ohin deskute, depois aban lori ba reuniaun dos Ministériu Nasional Defeza CPLP nian sira aprova no ratifika iha nivel ministru nian.
Diretor Jerál Politika Defeza Nasional, Nuno Carvalho dos Santos hatete, Timor-Leste asume responsabilidade no sai uma nain ba Comunidade Países da Lingua Portuguesa (CPLP), desizaun ne’e husi konsellu ministru CPLP mak fo sai hodi Timor-Leste sai uma nain
“Iha tinan ida ne’e Timor-Leste asumi responsabilidade hanesan uma-na’in ba CPLP depois desizaun konsellu ministériu CPLP nian Timor-leste mak sai uma nain ba iha reuniaun CPLP nian.” Dehan Diretor Jerál Politika Defeza Nasional Nuno Carvalho dos Santos iha Palm Spring, Segunda ne’e
Alende ne’e, Ministériu Defeza (MD) iha responsavel asuntu defeza nian hodi haree liu ba iha asuntu dezenvolvimentu militar nian, nune’e hodi deskute iha ajenda ne’e depois lori ba iha nivel ministériu atu aprova nomós ratifika.
“Ita aprova ajenda barak no ajenda ida ne’e kontinuasaun husi ajenda anterior ne’ebé mak reuniaun ona, tinan kotuk reuniaun iha São Tomé e Principe, ajenda ida ne’e mak agora lori mai fali iha timor-leste kontinua diskute ajenda ida ne’e.” Nia dehan
Enkuantu, ajenda prinsipal liu mak iha vizaun matriks estratezika ba asuntu defeza nian no mos asuntu exersísio ne’e iha modelu rua exercício karta no treinu ida ne’e envolve forsa ne’ebé boot atu halo operasoens no membru hirak ne’e tama hotu iha laran.
Nia hatutan, exersisiu ne’e sira kontribui hodi susesu ne’ebé iha tinan ida ne’e halao iha Brazil no tinan oin mak realiza iha Timor-Leste, ne’ebé ohin diskute ajenda ne’e hafoin aprova husi Konsellu Ministru sira nian
“Sira hotu kontribui para exercício ne’e susesu. Tinan ida ne’e sira halo iha Brazil no tinan oin prinsipalmente ita mak sei akolla exercício ne’e. Ajenda sira ne’e mak ohin ami diskote hela depois prova ministru sira nian.” Nuno haktuir
Diretor Jerál Politika Defeza Nasional dehan, Timor-Leste asumi nia responsabilidade hanesan uma nain ba reuniaun ba Ministériu Defeza (MD) nian ne’e prezensa iha ne’e Kabu- Verde, Angola, Brazil, São Tomé e Principe, Mosambique no Portugal, ne’ebé Guine-Bissau no Guinea Equatorial mak la marka prezensa iha reuniaun ne’e
Jornalista: Aniceto Da Silva
