Dili 01 Juñu 2026-Ministru Defeza Angola fo protidaun ba Timor-Leste hodi kontinua halo kooperasaun ba area defeza ka militar tanba ne’e iha reuniuan ne’e hodi halo revizaun ba asunto kooperasaun ne’ebé iha ona ne’e
Ministru Defeza (MD), Kontra Almirante Donaciano do Rosário Gomes Pedro “Klamar Fuik” hateten, prezensa Mnistru Defeza Angola João Ernesto dos Santos iha Timor-Leste atu partisipa iha reuniaun Ministru Defeza nian ba dala 25 haforsa kooperasaun militár ho Timor-Leste.
“Hanesan ita boot sira hatene katak Angola País amigo, País irmao iha ita-nia istória independensia iha pasadu sempre hamutuk ho ita, tulun ita depois independensia mós sempre hamutuk ho ita tulun ita fó apoiu estabelese kooperasaun ba dezenvolvimentu ba forsa armadas nian Señor Ministru mai fila fali iha okazisaun ida ne’e partisipa iha reuniaun Ministru” dehan Pedro Klamar Fuik ba jornalista sira hafoin simu audiénsia Ministru Defeza Angola João Ernesto dos Santos, iha Ministeriu Defeza Fatuhada Dili
Nia dehan, prezensa Ministru Defeza Angola João Ernesto dos Santos mai Timor-Leste ho objetivu atu partisipa enkontru reuniaun Ministru Defeza ba dala-25 ne’ebé hala’o iha Dili.
Klamar Fuik hatete, iha okaziaun ho nia omologu hodi diskute kona-ba renovasaun portofoliu kuadru kooperasaun Angola no Timor-Leste ne’ebé iha ona.
“Haree fila fali mós portofoliu relasiona ho kooperasaun ne’ebé mak sei haree sei asina iha tempu badak ba kooperasaun entre entre rai rua entre Timor-Leste ho Angola”, nia afirma.
Iha fatin hanesan, Ministru Defeza Angola Joao Ernesto dos Santos hsteten, nia too iha Dili loron 31 maio ne’ebé hodi partisipa reuniaun Ministru Defeza CPLP dala rua nulu resin lima nian, no mós atu halo diálogu ho Forsa Armada Timor-Leste, loloos nian ho Ministériu Defeza.
“Iha enkontru ohin ne’e ami ko’alia kona-ba halo revizaun ba akordu kooperasaun ne’ebé iha ona, tanba tempu liu tiha ona. Ita hotu hatene dinamika moris nian no mós situasaun jeopolítika internasionál ne’ebé muda hela. Nune’e ami iha obrigasaun atu aserta ami-nia pasu atu nune’e labele husik ami iha kotuk”, nia afirma.
Nia dehan, iha akordu kuadru kooperasaun militár Angola ho Timor-Leste define fali buat sira ne’ebé presiza atu hadi’a nun’e diak ba povu Timor-Leste no Komunidade ne’ebé koalia lian portugés
“Hafoin ne’e, pasa ba implementasaun atu di’ak ba ami-nia povu, ami-nia integridade territoriál, no ba komunidade povu sira ne’ebé ko’alia lian Portugés”, nia subliña
Jornalista: Aniceto Da Silva
