Dili, 23 Agosto 2026–UNICEF fo apoiu motorizada 8 ho marka Hoda Verza ba Ministeriu Solidaridade Sosial no Inkluzaun (MSSI) atu haforsa Ofisial sira ne’ebé halo servisu kona-ba Protesaun Labarik
Iha serimonia entrega Motorizada ne’e Embaixador Interino Australia iha Timor Leste, Edward Wilkinson hateten, apoiu ida ne’e hanesan apoiu kontinuasaun husi UNICEF ba MSSI hodi hametin konprimisiu protesaun labarik iha Timor-Leste.
“Haksolok tebes atu mai partisipa iha serimónia entrega ida-ne’e, nu’udar kontinuasaun husi ami-nia serbisu hodi suporta MSSI liu-husi UNICEF atu hametin ita-nia kompromisu hamutuk hodi hametin sistema protesaun labarik iha Timor-Leste. Tinan ida-ne’e, Austrália sente orgullu tanba avansa ona ita-nia apoiu ba protesaun labarik, ho AUD millaun 1,2 iha finansiamentu foun hodi investe iha sistema nasionál ne’ebé forte liu, no apoia Timor-Leste nia lideransa no kapasidade rasik atu proteje labarik sira agora no ba futuru” dehan Embaixador Interino Australia iha Timor Leste, Edward Wilkinson, iha Salaun MSSI
Reprezentante UNICEF iha Timor-Leste Patrizia DiGiovanni Saliente UNICEF iha komprimisiu hodi servisu hamutuk ho Parseiru sira hotu, hodi hari sistema Protesaun ba labarik sira hotu ho Seguru.
“UNICEF nafatin iha komitmentu atu servisu hamutuk ho parseiru hotu-hotu hodi harii sistema protesaun labarik ida-ne’ebé responsivu liu iha ne’ebé labarik ida-idak seguru, proteje, no bele moris UNICEF nafatin iha kompromisu atu servisu hamutuk ho parseiru hotu hodi harii sistema protesaun labarik ne’ebé responsavel liu iha labarik hotu seguru, protejidu, no bele buras” nia salienta
Minstra Solidaridade sosial no inkluzaun, (MSSI), Veronica das Dores agradese ba UNICEF ne’ebé iha komprimisiu hodi halo solidaride entrega Motorizada 8 ba MSSI, no kontinua servisu hamutuk hodi garante Bem Estar ba labarik sira.
“ha’u-nia agradesimentu no apresiasaun boot ba UNICEF tanba kontinua hatudu nia kompromisu no solidariedade ho Timor-Leste liuhusi entrega motorizadas ba Ministériu Solidariedade Sosiál no Inkluzaun ba servisu protesaun sosiál ha’u hakarak subliña katak apoiu husi UNICEF la’ós de’it kona-ba entrega motorizadas maibé aktu ida-ne’e reprezenta kooperasaun no parseria neʼebé kontínua, no mós kompromisu hamutuk entre UNICEF no Governu Timor-Leste atu promove no proteje direitu no bem-estar labarik sira-nian” nia hakotu
Jornalista: Mateus F. de Deus
