Díli, 9 Abril 2026 – Primeiru-Ministru (PM), Kay Rala Xanana Gusmão atualiza bá Prezidente Repúblika (PR), José Ramos-Horta kona-bá aprovasaun projetu arkitetóniku bá Sentru Konvensaun Díli foun iha Reuniaun Konsellu Ministru (KM) iha kuarta (08/04/2026).
Primeiru-Ministru (PM), Xanana Gusmão hatete ba Presidente Republika (PR), José Ramos Horta iha Konsellu Ministru (KM) Vise Primeiru-Minisitru I (VPM-I) apresente modulu 8
“Ha’u informa bá Prezidente Repúblika katak iha Konsellu Ministrus, Vise Primeiru-Ministru, Francisco Kalbuadi aprezenta modelu dezeñu hamutuk ualu. Iha rezultadu ikus hotu-hotu pur unanimidade hili mak ida ondas ne’e, tanba ita nu’udár illa ida, tasi hale’u tiha ita ne’ebé aprova tiha ona,” dehan PM Xanana Gusmão iha Palasiu Presidente Nicolau Lobatu Aitarak laran Dili
Konstrusaun bá Sentru Konvensaun Díli foun ne’e hetan apoiu makaas hosu Primeiru-Ministru Malázia, Dato Seri Anwar Ibrahim ne’ebé tuir planu sei realiza iha antigu Portu Dili.
Iha fulan hirak bá kotuk, banhira hala’o vizita mai Timor-Leste, Dato Seri Anwar Ibrahim mós vizita ona fatin konstrusaun ne’e.
Antes ne’e mós Primeiru-Ministru Anwar haruka empreza estatál ida ho nia oan mane rasik mai Timor hakarak lo’os atu fó apoiu bá preparasaun Timor-Leste nian atu sai uma na’in bá simeira ASEAN iha 2029.
Konsellu Ministru aprova projetu arkitetóniku ba Sentru Konvensaun Dili foun, hafoin análize bá propostas modelu arkitetóniku ne’ebé aprezenta hosi Vise-Primeiru-Ministru no Ministru Koordenadór Asuntus Ekonómikus,
Francisco Kalbuadi Lay Projetu estruturante ida-ne’e ho objetivu atu sai uma-na’in ba reuniaun sira iha ASEAN nian durante Timor-Leste nia prezidénsia iha tinan 2029, inklui simeira Xefe Estadu no Xefe Governu sira nian, no mós eventu ho dimensaun boot sira seluk.
Sentru Konvensaun foun sei harii iha área portu tuan, iha Baía Díli nia sorin, no sei inklui edifísiu prinsipál ida ho sala konferénsia, auditórius no pavillaun sira bá espozisaun, no mós área komplementár sira lazer no turizmu nian, inklui paseiu ida hodi la’o iha kais nia sorin, akuáriu ida no sentru entretenimentu no komérsiu ida.
Jornalista : Aniceto da Silva
