Díli, 15 Abril 2026 – Polisia Nasional Timor Leste (PNTL) liu husi Diresaun Nasional Investigasaun Kriminal (DNSIK) halo operasional bazeia ba NUK 0138/26-PNSIC, hamutuk ho komunidade Intelijensia hodi greve aramazen loja xineja ida iha bidau masaur, deskonfia loja refere hatama osan falsu
Relasiona ho kazu ne’e portavoz PNTL superintendente Xefe Polisia João Belo dos Reis hatete, Halo intervensaun ba armazen loja Xineja ida iha Bidau Masaur Detekta osan falsu Kaixa neen ho montante dolar Miliaun 4
“Ita halo Intervensaun ba Armazen boot ida iha parte Bidau Masaur ne’eba, ita rekolla faktus hotu-hotu ne’ebé relasiona ho krime ne’ebé akontese, ita detekta osan falsu kaixa neen ne’ebe sira koloka kada kotak balun iha ne’eba” dehan Porta-voz PNTL Superintendente Xefe Polisia, João Belo dos Reis, iha komunikadu imprensa iha Kuartel Geral PNTL Kaikoli Dili
Alende ne’e, halo ona kalkulasaun Temporaria ba Osan Falsu ne’e ho montante miliaun 4 dolar Amerikano, no ekipa Forensik ho Ofisial Ministeriu Publiku halo ona kontajem ba Osan falsu ne’e hodi hatene lolos montante husi osan Falsu ne’e
“husi ne’e ita halo kalkulasaun temporaria, katak seidauk los, dolar Miliaun haat mak iha ne’eba, ekipa Forensik hamutuk ho ofisial husi Ministeriu Publiku ninian halo kontajem dadauk ba montante hira mak iha laran lolos, depois aban ka bain rua hau sei publika fila fali winhira ami hetan dadus kompleitu”
Portavoz ne’e husu ba populasaun sira karik detekta osan falsu kontaktu ba posto polisia ne’ebé besik hodi halo intervensaun
“Hau hato’o mos ba ita komunidade sira ita nia autoridade sira karik detekta osan ne’ebé deskonfia osan falsu, komunika lalais ba ami ou husi polisia posto ne’ebé besik para ita bele halo intervensaun buka tuir nafatin autor sira ne’ebé foti inisiativa halo asaun krime hanesan ne’e
Hafoin remata Aprensaun , autoridade seguransa Polísia lori kedas evidensia no asegura sidadaun xineza na’in 4 ne’ebé dadaun ne’e iha hela prosesu investigasaun
Jornalista: Mateus F. de Deus
