Díli, 15 Abril 2026 – Presidente Institutu Nasional Kombate HIV-SIDA (INCSIDA), Daniel Marçal hateten, preokupa liu ba Juventude igreja tanba sira dependente ba orasaun no la iha esforsu, tanba atu prevene moras HIV-SIDA ne’e laos ho orasaun maibe esforsu hodi buka no hakbesik ba saude hodi halo tratamentu ba moras refere
“Ba juventude igreja hau dehan hanesan ne’e dala ruma juventude igreja sira nene ita preokupa liu tanba sira dependente ho orasaun maibe sira nia esforsu la iha fali, tanba ne’e hau dehan hanesan ne’e ita atu halo prevensaun ba transmisaun HIV ne’e laos deit ho orasaun maibe presiza esforsu mos tanba agora joven barak joven igreja barak mak agora afeita ho HIV-SIDA tanba buat ida ne’e laos hotu-hotu balun komprende balun la komprende jadi oinsa o atu prevene HIV labele kona o” dehan Presidente INCSIDA, Daniel Marçal, ba Juventude Igreja Protesntante Timor-Leste (IPTL) iha resinto Pantai Kelapa Dili
Alende ne’e, Joven igreja mos iha papel hodi kontribui ba dezenvolvimentu Nasional maibe esforsu makas hodi halo kurativu laos ho orasaun deit maibe esforsu hodi kontribui ba dezenvolvimentu Nasional no kontribui mos ba igreja
“Joven sira inklui joven sira mai husi igreja ne’e sira mos iha papel boot teb-tebes kontribui ba dezenvolvimentu Nasional ne’e, agora ita atu kontribui ba dezenvolvimentu Nasional ita labele halo orasaun deit reza deit lor-loron ita reza ita halo orasaun maibe ita mos esforsu saida mak ita atu kontribui igreja saida mak ita kontribui ba dezenvolvimentu ne’e iha parte ida oinsa atu proteze ema igreja nian husi problema HIV-SIDA tenke buka hatene mos HIV-SIDA ne’e saida, da’et halo nusa, prevene halo nusa” nia esplika
Tanba HIV-SIDA la hili ema husi igreja ne’e hodi tauk, HIV-SIDA la tauk ema ne’ebé halo orasaun makas maibe tauk halo orasaun hodi esforsu makas buka alternativu halo prevensaun ba moras HIV-SIDA
Iha fatin hanesan, Pastor Igreja Evanjelica Presbiteriana Timor-Leste (IEPTL), Carlos Marçal hateten, parte igreja iha regra ida kona-ba biblia hodi hanorin tuir nu’udar ema fiar nian maibe sira ne’ebé ba igreja mak sei menus nune’e parte Governu ho igreja servisu hamutuk ho hodi luta halo prevensaun ba transmisaun virus HIV-SIDA ne’e
“Hau nia hanoin parte igreja ne’e pozitivu diak los husi igreja ita hotu hatene ona ami iha regra ida ne’ebé iha ona ba biblia, biblia hanorin joven sira sarani sira oinsa atu moris nu’udar ema fiar maibe igreja limitadu entaun igreja so hatene deit ba nia ema limitadu ema ne’ebé ba igreja mos hanesan, entaun kona-ba igreja presiza mos hanesan husi Governu parte husi Governu husi Institutu Nasional kona-ba Kombate HIV-SIDA ne’e para servisu hamutuk lao hamutuk” nia informa
Enkuantu, husu ba joven sira tenke hatene ba moras HIV-SIDA tanba moras ne’e laos transmite husi sexu livre maibe virus ne’e da’et husi maneira oi-oin tanba ne’e liu husi informasaun ida ne’e hodi fó hatene nune’e joven sira iha komprensaun kona-ba moras HIV-SIDA ne’e tanba virus ne’e hameta ema barak ona nune’e husu joven sira hodi halo prevensaun no hadok husi sexu livre
Ekipa Kobertura : Zeus News
