Viqueque 18 April 2026-Partidu Kmanek Haburas Unidade Nasional Timor Oan, (KHUNTO) kontinua instala nia estrutura iha Postu Administrativu Viqueque Vila, Suku Bahalara Uain hodi fo pose ba estrutura hamutuk 800 kompostu husi suku 6 Aldeia 20
Iha tomada pose ne’e, konsileru masimu Partidu Kmanek Haburas Unidade Nasional Timor Oan, (KHUNTO) Jose dos Santo “Naimori Bucar”, husu ba estrutura foun sira atu servisu makas hodi hetan rezultadu ne’ebe diak iha eleisaun
“hau fo parabens ba sira ne’ebé e ohin simu tomada de pose sai sasukat forsa ida ne’ebé husi uma laran sai to liur, atu nune’e iha loron ida bele hakat to nasional, maibe laos atu tur maibe atu servisu atu nun’e bele hetan rezultadu ne’ebé diak” dehan Lider Masimu Partidu KHUNTO, José dos Santos Naimori “Bucar” iha Viqueque Vila, Suku Bahalari Uain-Bikarin
Konsileiru ne’e sublina, P.Khunto fó oportunidade ba joven tama iha politika hodi kontribui ba dezenvolvimetu no estabilidade ba nasaun nian
“Partidu Khunto hakarak promove joven sira tenke tama iha estrutura, para atu bele aprende politik ida ne’ebé diak, hodi kontribui ba paz no dame, kontribui ba dezemvolvimentu ba povu Timor-Leste, hau hakarak viqueque ne’e hau tenke hili ema ne’ebé bele duni hadomi joven ida ne’e no hatudu loialidade ba partidu”
Kordenador Kmanek Haburas Unidade Nasional Timor Oan, (KHUNTO), Munisipiu Viqueque, Jose Celestino, agradese ba inan aman no brigada ponta leste nia apoiu no servisu hamutuk ho realiza tomada de pose ba estrutura foun husi suku 6 no aldeia 20
“hau hakarak agradese ba Presidente Brigada Ponta Leste, hamutuk ho nia membru ne’ebé durante ne’e bele mai kolabora servisu hamutuk ho ami munisipiu viqueque hodi estabelese ita nia serimonia konsolidasaun hodi fo tomada de pose ba suku nen aldeia rua nulun ne’ebé ohin ita asiste iha fatin ne’e, hau hanoin tempu to ona ita viqueque oan tenke hamutuk haforsa unidade nasional” dehan kordenador viqueque
Tuir obesevsaun jornalista zeus news iha treinu nota katak iha atividede politika hetan parttisipasaun husi joven mate restu 12 de novenbru 1991 no xefe suku inklui lia nain sira no hetan partispasaun maximu husi militante no apoiante partidu PLP nian ne’ebé partisipa iha atividade partidu KHUNTO nia no hetan seguransa husi parte Polisia Nasiona Timor-Leste (PNTL) Postu Viqueque vila
Ekipa kobertura: Zeus News
