Dili 20 April 2026-Instituto Nasional Kombate HIV-SIDA (INCSIDA) hamutuk ho Hospital Nasional Guidu Valdares (HNGV) hodi realiza formasaun ba funsionariu INCSIDA nian nune’e bele iha koñesimentu ba psikologia no fo asistente ba komunidade sira ne’ebé hanesan saude mental sira
Presidenti Institutu Nasional Combate HIV-SIDA (INCSIDA), Daniel Marçal, hateten treinamento ne’e ho nia objetivu prinsipal atu fo hanoin no hasae funsionariu sira mentalidade area psikologia nia atu kontrola sira nia hanoin iha servisu fatin, tanba kauza husi psikologia ida ne’e ema barak hadak sira nia vida
“Objektivu prinsipal treinamentu ba funsionariu inscida sira oinsa jere sira problema tamba agora dadauk kuaze iha Ministeiriu hotu-hotu ema barak estres tamba munking salariu kiik problema uma laran dalaruma oan sira eziji osan ba Inan aman sira liu sira nia salario lia mate lia moris ho problema sira ne’e hotu halo ema estres no labele halo jestaun ba nia estres too hikus ema oho an taran an no baku malu barak tamba presaun psikologia” dehan Presidente INCSIDA, Daniel Marçal, iha pantai kelapa
Alende formasaun ida ne’e hodi hasa’e koñesimentu fusionariu sira iha Instituto Nasional Kombate HIV-SIDA (INCSIDA) hodi asegira nia mentalidade ba saude nian no liu-liu ba psikologika ne’e
“Tanba iha Instituisaun Nasional Kombate HIV-SIDA mos hasoru ema sira moras afeitadu HIV-SIDA ho nu’une ami halo ona formasaun hanesan ne’e ba maluk sira ne’e nia objetivu atu asegura saude mental” dehan Presidente INCSIDA
Enkunatu, iha introdusaun ne’e funsionariu ida-idak aprezenta nia karakter ne’ebé la hanesan balun estres balu hakarak moris mesak no balun hirus lakoi atu ema seluk intrompe nia tanba ne’e karakter ema nia oin-oin deit, tanba hakarak servisu lao diak ema tenki hatene jere nia problema no emosaun ne’ebé ho diak.
Iha Fatin hanesan Orodor principal, Idalina Borges hatete, materia formasaun nian konaba psikologis saude mental ba funsionariu Instituto Nasional Kombate HIV-SIDA (INCSIDA) tanba sira nia servisu tun ba terenu fo asistente ba komunidade sira sofre moras HIV-SIDA iha baze atu bele halo atendimentu ho diak.
“Formasaun ohin ne’e tarjetu ba deit funsionariu INCSIDA tanba ita hatene sira nia servisu fo konselein ba ita nia maluk sira sofre ho moras HIV entaun formasaun importante tebes ba sira oinsa maneja an sira nia estres emosaun no maneja sira nia mundu psikologia atu nune’e bainhira tun ba terenu hasoru ema moras HIV sira bele komprende aplika materia ne’ebé sira ohin hetan” Idalina esplika
Nia hatutan, materia ne’ebé loron ohin nian mak manajemen energi ho tipu personalidade husi saude mental nian nune’e bele fo asistensia komunidade ne’ebé saude mental sira
“materia sira ne’ebe lori loron ohin nia konaba estres manajemen engri manajemen no tipu personalidade ho importansia husi saude mental estres manajemen tanba ita estres ne’e hanesan pandemia iha siklu 21 ne’e, ne’e ema hotu-hotu sofre ba estres, estres buat ida ne’ebé normal maibe estres ho tempu naruk ne’e bele afeta ona ba ema nia hahalok no komportamentu bele prejudika ba moras fijiku nia” nia hakotu
Jornalista: Aniceto Da Silva
