Dili 24 April 2026-Tenente Jenerál Reformadu, Lere Anan Timur ambisaun la’os ba an rasik, maibé atu servi povu no nasaun, ho esperiénsia funu durante tinan 24 ba independénsia Timor-Leste, no prontu atu simu kualkér responsabilidade ne’ebé povu fó, inklui posibilidade atu kandidata ba Prezidente Repúblika 2027
Tenente Jenerál Reformadu, Lere Anan Timur hatete, servi iha tinan 24 Timor sai Ukun Rasik An (URA) ona tanba ne’e hodi sai kandidatu an ba Presidente da Republika Demokratika Timor-Leste (RDTL) hodi servi povu iha timor laran tomak
“Ha’u servi família bu’at ki’ik servi nasaun bu’at seluk, ha’u funu ba tinan 24 anos tanba kauza ida, la’os kauza ba ha’u nia familia ou ba ha’u nia an maibé kauza ba povu timor tomak, Timor tenki ukun-an, entaun ha’u servi duni ba 24 anos,” dehan Tenente Jenerál Reformado Lere Anan Timur, iha UNTL
Nia akresenta, povu matenek ona hodi hili tuir nia kandidatu sira ne’ebé iha interese duni hodi servi nia povu, tanba ne’e prontu kualker servisu ne’ebé povu fo
“Ha’u ko’alia ka la ko’alia ema koñese ha’u, sé Indonézia koñese ha’u tanba saida timor la konese ha’u, balun dehan ita la’o dor tu dor, ha’u dehan ita nia povu matenek ona, sé mak servi lolos ninia interese ko’alia husi ibun tutun de’it maibe hahalok la tuir nia ko’alia, ha’u prontu ba kualkér servisu ne’ebe povu fo ba ha’u, la’os ema mak fo povu mak fo bá ha’u,” katak nia.
Nia sublina, Sekretariu Geral Partidu FRETELIN, nia deklarasaun husu Leren Anan Timur entrega kartaun maibe kartaun ne’e uluk Xanana Gusmão mak entrega laos Mari Alkatiri mak fo
“ami nia Sekretáriu Jeral Mari Alkatiri dehan se mak ba integra kartaun, ha’u nia kartaun la’os ita bo’ot mak fó, ha’u nia kartaun uluk Xanana mak fó entaun ha’u integra ba Xanana, ha’u menbru Komité Sentrál la’ós ita-boot mak iha oin, uluk Xanana mak iha oin, ami jura ba iha ne’ebá,” reafirma nia.
Maibe tuir hirarkia bainhira atu kandidatu an Presidente Republika sei fo hatene ba partidu hafoin kandidatu an ba Prezidente Repúblika ho independente, se partidu la apoiu votus, entaun Partido fo apoiu ho osan 10 millions ida hodi apoiu ba kandidatu independente sira
Jornalista: Mateus F. de Deus
