Manatuto 26 April 2026-Partidu Kmanek Haburas Unidade Nasional Timor Oan, (KHUNTO) kontinua hametin estrutura liu husi pose ba estrutura foun iha Munisipiu Manatuto, Posto Laleia kompostu husi suku tolu mak hanesan, Suku Aturalala, Suku Lifau, Suku Cairui, hamutuk 520
Konsileiru Maximu Partidu Kmanek Haburas Unidade Nasional Timor Oan, (KHUNTO), José dos Santo “Naimori Bucar” hateten, unidade nasional mak sai hanesan xave ba povu nia hakmatek, no lao hamutuk iha politika KHUNTO nian, hodi garantia povu nia moris diak liu husi programa khunto nian
“Unidade nasional la mai husi ita nia matan maibe unidade nasional mai husi ita nia fuan, saida mak ita oferese ba povu ida ne’e nia hakmatek ita atu kria unidade da paz iha familia presiza rona malu sai maun alin ne’ebé diak ita hotu lao iha politika ida, vota ba Khunto tanba programa ba moris povu nian iha futuru oin mai” dehan José dos Santo “Naimori Bucar” iha Postu Laleia Suku Cairui
Sekretariu Geral Partidu Kmanek Haburas Unidade Nasional Timor Oan (KHUNTO), Elidio de Araujo, hateten, nia fiar khunto sei manan iha Posto Laleia, ho estrutura foun sira nia servisu hodi lori vitoria ba eleisaun 2027-2028
“ita sei manan iha Posto Laleia, ne’e hau fiar ho joven sira nia servisu makas, mai ita servisu hamutuk ho lider maximu oinsa mak lori lori vitoria ba iha 2027, eleisaun presidensial, kamará Munisipal, no Parlamentar” afirma Sekjer khunto
Koordenador Munisipiu Manatuto, Manuel Gozaga M. Sarmento, reforsa estrutura foun sira tenke hala’o servisu makas no kaer metin unidade nasional hodi mantein paz no estabilidade iha rai Timor-Leste ida ne’e
“husu ita hotu atu servisu makas liu tan, hodi lori maluk sira seluk atu mai hamutuk iha partidu khunto, matein nafatin paz no kaer metin unidade nasional, unidade nasional mak sai mahon ba ita hotu maske mai husi kor oi-oin, hau konvida ita hotu ne’ebé simu pose ita sira ne’e sai kontinuador habelar programa partidu khunto nian ba iha sosiedade” tenik koordenador Khunto
Jornalista: Mateus F. de Deus
