Dili 27 Abril 2026-pedidu husi Komisaun Organizadora hodi realiza jogu ba komemora loron Restaurasaun da Independensia 20 de Maio 2026 iha Suku Santa Cruz, Postu Administrativu Vera Cruz, Munisipiu Dili ne’ebé komisaun Organizadora husu apoiu ba Agensia Zeus Travel ho osan montante $.2.075
Presidente Komisaun Organizadora (KO), Venancio Fernandes, agradese ba Agensia Zeus Travel (ZT) ne’ebé fo apoiu osan ho montante $.2.075 ba atividade jogu ba komemorasaun loron Restaurasaun Independensia 20 Maio 2002 to 2026 nian
“ami agradese tebes Agensia Zeus Travel, Semana rua ida liu ba ami kria atividade jogo ba joven sira iha suku Santa Cruz hodi komemora loron restaurasaun independensia 20 maiu, ami konsidera Agensia Zeus Travel nia apoiu hanesan milagre ida” dehan Presidente Komiaun Organizadora, Venancio Fernandes iha edifisiu Kintal Boot
Komisaun Organizadora ne’e husu ba komunidade Aldeia Sanulu (10) iha Suku Santa Cruz atu partisipa ativu iha atividade Jogu hodi fo kontribuisaun ba dezenvolvimentu ba nasaun ne’e nian tanba jogu ne’e la hare ba kor no grupu ida
“Ba komunidade Suku Santa Cruz atividade ne’ebé ami kria ba ita hotu la ba grupu ka kor ida, mai ita hamutuk suporta ita nia atividade ne’e lao ba Futuru”
Jogu refere iha modalidade 8 mak hanesan, Futsal Feto Mane, Halai Karon, Tata Berlindus, Certame ba Estudante, Dada Tali, Sae Bua, Catur, Tata Jambua no jogu ne’e sei kompete husi kada aldeia
Venancio Fernandes informa, fo hanoin ba joven sira ne’ebé hakarak halo viajen ba rai liur hakat ba edifisiu Agensia Zeus Travel iha Kintal boot no Palapasu hodi hola Tiket ba pasa ferias iha rai liur
Enkuantu, Agensia Zeus Travel (ZT) mos fan tiket ho sistema Pakote ba Joven sira ne’ebé hakarak Viajem ba portugal ho visa Turista
Jornalista: Mateus F. de Deus
