Dili 28 April 2026-polemika kona-ba Rai Metin 3 Bebonuk, entre Mari Alkatiri ho Lourdes Menezes ne’ebé sasin Mariano Oliveira da Costa “Lakmoruk” klarifika sira hotu hela iha Mari Alkatiri nia rai hodi halo Tos ho natar ne’ebé deklarasun Lourdes Menezes halo iha fatin ne’e la los, no husu Lourdes Menezes sadere ba Eurico Guterres labele sadere ba Xanana Gusmão
Porta-voz, Mariano Oliveira Da Costa hateten, nia familia tomak hela iha Mari Alkatiri nia rai hodi halo tos no natar iha tinan 1978, ne’ebé rai ne’e husi Mari Alkatiri nian laos Lourdes Menezes nia rai
“hau ho hau familia tomak hela iha Señor Alkatiri nia rai hodi halo natar no tos, hahu husi tinan 1978 to tina 1990, ami hirak ne’ebé halo natar no tos iha señor Alkatiri nia Rai, mak hanesan señor Miguel, señor Jose Pinto señor Domingos, señor Duarte Branco, señor Ernesto, fatin halo natar husi Timor Plaza to Hotel Sagres Garden” dehan Porta-Voz Mariano Oliveira Da Costa iha suku Bebonuk
Nia dehan, deklarasun husi Lourdes Menezes ne’e la los tanba Laos Lourdes Menezes mak halo tos iha fatin ne’e, maibe Luis Rodrigues Pereira nia Ferik Oan nia Alin mak organiza halo tos iha fatin ne’e
“kona-ba Señora Lourdes ninia deklarasun katak nia halo tos iha fatin ne’e la los ona, fatin ne’ebé sira halo tos ba ne’e iha pertamina besik dalan tama ba hotel Fantija, halo tos lolos laos señora Lourdes, autor ne’ebé halo tos lolos mak señor Luis Rodrigues Pereira nia Ferik Oan naran Señora Roza nia Alin Feto hela iha Bebora mak Organiza tos iha Bebonuk fatin hau mensiona iha leten ba, hau mos hamutuk ho hau nia pai no maun sira hodi hamos batar duut” dehan Porta-Voz Lakmoruk
Iha sorin seluk Ajeco Soares argumenta, la defende ema ida maibe atu klarifika de’it, no la satisfas Lourdes Menezes ne’ebé Sadere ba Comandante Xefe Kay Rala Xanana Gusmão, tanba Lourdes nia pasadu 21% ba Indonesia
“ami atu klarefika ba publiku ami hela bebonuk ami Koñese malu, Señora Lourdes ne’e ho nia Familia ne’e ami hatene, ami la satisfas ne’e nia bolu fali ami nia komandante Supremu, ida ne’e de’it tanba nia pasado ne’e 21% sira nia maluk iha Atambua, nia sadere Maun Boot, entaun ami sadere fali se, Maun boot ne’e ami nian, ninian mak Eurico Guterres no João Tavares, tanba bebonuk ne’e ami koñese malu” nia hakotu
Jornalista: Mateus F. de Deus
