Dili 30 April 2026-Sekretariu Estadu Formasaun Profisional No Empregu (SEFOPE) hasae Salario minimu ba traballador $.150 no Ministeriu Finansas (MF) rekomenda hasae ba 154, tanba la iha afeita ba inflasaun rai laran nian
Sekretariu Estadu Formasaun Profisional no Empregu (SEFOPE), Rogerio Mendonça hatete, salario minimu ne’ebé parte halo revizaun ba $115 hodi muda ba montante ne’ebé bele kondiz ho situasaun atual tanba ne’e proposta ba Konsellu Ministru (KM) hodi hasae salario ba $.150
“Parte preparasaun salario minimu liu-liu hanesan ita boot sira hatene katak revizaun husi 115 (sentu i Kinzi) hodi bele muda fila fali ba montante ne’ebé maka bele kondiz ho atual ho ida ne’ebé maka situasaun agora ne’e ita hare iha 115 (Sentu I kinzi) nene ita hare katak nia tinan hira ona, iha tinan 14 (sanulu resin hat) ona, mais tuir matadalan CNT nian kada tinan rua ita halo revizaun ba salario minimu ne’e rasik entaun iha tinan 2025 ita lori ona proposta ne’e ba iha Konsellu Ministru liu-liu atu halo revizaun ba iha salario minimu hodi hasae ba iha nominal sira ne’ebé maka ita ninia relasaun ho Merkadu atual agora iha ne’e, entaun iha tempu ne’eba ami propoin ho 150” nia dehan
Nia hatutan, proposta ne’ebé husi Sekretariu Estadu Formasaun Profisional no Empregu (SEFOPE) propoin hodi hasae salario $150, maibe Konsellu Ministru (KM) halo karta rekomendasaun ba SEFOPE hodi halo konsultasaun ba parte Ministeriál sira
“Entaun iha tempu ne’eba ami propoin 150 (Sentu sinkuenta) maibe parte husi Konsellu Ministru halo rekomendasaun balun mai iha SEFOPE ho Konsellu Nasional Traballu (KNT) katak presiza halo fila fali konsultasaun ho liña Ministeriu sira maka hanesan Veteranu, Ministeiu Finansas hodi hare konaba impaktu bainhira se ita hasae salario nene nia fo impaktu ba inflasaun iha ita nia rai laran ga lae”
Nia akresenta, iha parte balun fo sai informasaun bainhira hasae salario traballador ba $.150 sei fo impaktu ba pensaun veteranus
“Entaun isu sira ne’ebé maka hanesan ita hatene katak balun ninia iterprerasaun katak salario minimu ne’e kuandu hasae fo mos afeita ba iha pensaun veteranus hau hanoin ne’e lae, tanba lei ba iha pensaun veteranu ne’e ketak, Lei ida ba salario minimu nian ne’e ketak, salario minimu ne’e regula deit ba iha traballador sira ne’ebé maka setór privadu sira emprega” tenik nia
Enkuantu, Sekretariu Estadu Formasaun Profisional no Empregu (SEFOPE) hodi Konsellu Nasional Traballu (CNT) lori proposta ba Konsellu Ministru (KM) katak Parte Veteranu aseita 100 % no parte Ministeriu Finansas (MF) liu husi Diresaun Estatistika ho makro ekonomia ne’ebé fo rekomendasaun valor 154 sei la afeita ba inflasaun iha rai laran tanba halo ona estudu konaba husi tinan 2012 ate 2026 ne’ebé la iha influénsia bainhira hasae salario 154 ne’e
Jornalista: Aniceto Da Silva
TPAY
TPAY
TPAY
TPAY
TPAY