Dili 04 Maiu 2026-Konsellu Imprensa Timor-Leste (KITL) hamutuk ho uasosiasaun Jornalista AJTL, TLPU no UPJTL iha timor laran tomak ho simbolu Kari Aifunan iha tasi ibun Palasio Governu
Iha komemorasaun ne’e Prezidente Interina Konsellu Imprensa Timor-Leste (KITL), Suzana Cardoso Parabeniza Jornalista sira hotu, no ba Media sira hotu ne’ebe kontinua habelar informasaun iha tempu difisil, no husu publiku fo Liberdade ba Jornalista bainhira halo kna’ar iha komunidade nia le’et
“Parabéns ba maluk jornalista sira no pratikante média hotu, inklui média sira ne’ebé maske iha situasaun difísil, nafatin kontinua habelar no kontribui ba dezenvolvimentu demokrasia iha rai laran, Jornalista sira presiza espasu atu servisu ho livre no seguru. Tanba ne’e, ami husu ba públiku atu simu no respeita sira-nia prezensa bainhira hala’o kna’ar iha komunidade,” dehan Prezidente Interina KITL, Suzana Cardozo iha Palasio Governu
Prezidente Asosiasaun Jornalista Timor Leste (AJTL), Zevonia Vieira hatete Jornalista sira kontinua servisu makas atu alerta ema sira ne’ebé iha poder atu labele halo limitasaun ba Liberdade Imprensa iha Timor-Leste
“ita kontinua servisu makaas hodi kontinua promove, servisu makaas signifika ita kontinua alerta ba públiku ba ema sira ne’ebé iha poder atu labele limita ita-nia liberdade imprensa iha timor tanba media hanesan pilar importante iha nasaun demokrátiku espera katak ho ita nia soliedariedade ita (jornalista) servisu hamutuk atu kontinua influénsia iha publiku no ba ema sira ne’ebé mak iha poder atu respeita pilar media iha Timor-Leste tanba media papel servisu iha tempu uluk no too agora ne’e iha kontribui boot, iha luta hasoru violasaun diretus umanus” dehan Presidente AJTL
Presidente Timor-Leste Press Uniaun (TLPU), Candido Alves, husu ba Ukun nain sira atu labele halo intervensaun ba iha servisu Jornalista nian
“ohin loron liberdade imprensa ita Asean ita sei okupa nafatin numeru dahuluk iha mundu ita ba fali numeru 30, tanba ne’e TLPU kontinua nafatin fo hanoin ba ukun nain sira, atu idak idak mantein nafatin nia servisu, labele halo impendimentu ba atividade Jornalista nian” tenik nia
Jornalista: Mateus F. de Deus
