Dili 05 Maio 2026-Komisaun Reguladora Arte Marsias (KRAM), ho delagasaun hasoru malu hodi halo Audensia Koordenasaun servisu ho Komandante Jeral Polisia Nasional Timor-Leste (PNTL), Komisariu Assistente Polisia, Afonso dos Santos ne’ebé akompaña husi Komandante Komandu Operasaun PNTL Komisariu Assistente Polisia, Armando Monteiro, iha Komandu Jeral PNTL.
Presidente Komisaun Regulador Arte Marsiais (KRAM), Octavio da Conceição hateten ohin halo audensia ida ho Komandante Jeral Polisia Nasional Timor Leste (PNTL), Komisariu Assistente Polisia, Afonso dos Santos hodi informa progresu servisu sira relasiona ho koperasaun entre KRAM ho PNTL ligadu ho Lei deziminasaun arte marsias nomos liga ho dialogu komunitariu ne’ebé KRAM organiza hamutuk ho PNTL iha nivel no iha teritoriu nasional
“Ita mai halo audensia kordenasaun servisu ho Komandante Jeral Polisia Nasional Timor Leste (PNTL) Komisariu Assistente Polisia Afonso dos Santos para atu hametin liu tan koperasaun servisu teknik sira iha terenu,”dehan Prezidente Komisaun Reguladora Arte Marsias (KRAM), Octavio da Conceição ba Jornalista sira iha Komandu Jerel
Nia esplika, audensia ne’e ho objetivu parte KRAM informa progresu servisu sira relasaun ho Kooperasaun entre KRAM ho Komandu PNTL iha prosesu servisu sira liga ho dezaminasaun Lei Arte Marsias, Dialogu Komunitaria iha ne’ebé KRAM organiza hamutuk ho Komandu PNTL iha Nivel Teritoriu Nasional.
Entretantu, delegasaun KRAM ne’e kompostu husi Komisaria Maria do Rosario F. C de Araújo reprezentante Ministeriu Justisa, Komisariu Augusto De Araújo reprezentante Ministeriu Edukasaun, Konselleiru Tékniku KRAM Inspetur Xefe Polisia, Inocencio Araújo da Silva, Sekretáriu Exekutivu, Mateus Lemos Soares no Asesor husi Ministeriu Juventude Desportu Arte no Kultura (MJDAC)
Jornalista: Aniceto Da Silva
