Dili 08 Maio 2026-Presidente Autoridade Lisensamento Ambiental. Instituto Publika (ANLA.IP), Maximiano Oliveira, hatan ba deklarasaun Ministru Obras Publika (MOP), Samuel Marçal nian katak estrada Ermera Gleno Liga ba Lete-Foho seidauk iha Lisensa Ambiental, maibe husi Autoridade Nasional Lisensamentu Ambiental fo sai Lisensa ona iha 30 de maio 2025, ne’ebé haruka kompaña halo servisu ona
“Notisia horseik projetu estrada Gleno liga ba letefoho lisensa Ambiente ANLA, hasai ona iha dia 30 Maiu 2025 Lete-Foho no Lourba to Bobonaro, ANLA hasai ona lisensa ambiente iha tinan 2024 signifika kompañia bele halo konstrusaun bainhira iha ona lisensa ambiente” Dehan Presidente ANLA, Maximiano Oliveira iha nia knaar fatin Acait Dili
Presidente Sublina, antes ne’e kompaña hasoru ona Autoridade Nasional Lisensamentu Ambiental (ANLA), no fo ona autorizasaun ba kompaña atu bele halo servisu hodi hein lisensa ambiental
“Lisensa ambiental seidauk sai mak sitkan ka akampamentu ne’e kompañia uza hodi utiliza ba servisu kompaña mai hasoru ona ekipa ANLA no informa ba sira kompañia bele halo ona servisu lalika hein lisensa ambiental tanba lisensa ambiental agora tama hela faze avaliasaun nu’une kompaña mos submete tan karta iha loron 23 fulan Abril informa ba ANLA atu halo akampamentu ekipa kompaña mai hasoru tan ANLA no ami informa ba nain kompania katak imi bele halo ona servisu” dehan, Maximiano Oliveira
Nune’e estrada liga Aitutu liga ba Lete-Foho Gleno ne’e Autoridade Nasional Lisensamentu Ambiental (ANLA) hasai ona lisensa iha 2023 renovasaun loron 30 fulan 2025 no prosesu ne’e priense hotu rekezitus.
Lisensa Ambiental ne’ebé Autoridade Nasional Lisensamentu Ambiental (ANLA) hasai ona ba kompaña mak hanesan iha tinan 2026 ANLA hasai ona Lisensa Ambiente ba kompaña Kategoria B 8 kategoria C 109 total hamutuk 119 no lisensamentu Ambiental ne’ebé iha prosesu nia laran kategoria B no C ne’e sei falta 20 resin no Dokumentu sira ne’e maioria husi kompania Nasional no iha 2025 kategoria A 5 B 35 C 447 no ANLA iha 2025 hatama reseita 54.50 mil dolar amerikanu mai too 2026 14.950 mil dolar Amerika.
Jornalista: Mateus F. de Deus
