Dili 12 Maio 2026-Oknum Polisia Nasional Timor-Leste (PNTL) halo agresaun fisiku hasoru inan faluk Filomena Soares ne’ebé akontese iha Munisipiu Viqueque, Postu Administrativu Uatulari, Suku Macadique, Aldeia Namanei iha loro 21 Abril 2026 ne’e vitima hetan basa makas no monu husi onkum PNTL ho naran Justinho Menezes, Diviza Assistente Comisário (Fitun Ida) ho nia seguransa pesoal, Basilio Da Silva ho Diviza Ajente Prinsipal
Porta-Voz, Aleixo de Sousa Freitas hateten, tuir kronologia iha lokraik segunda vitima homan katupa no komu hela nia trigu hodi sona ne’ebé to kalan oras 09:00 otl vitima hahu sona dosi no tein katupa, nune’e iha oras 02:24 madrugada komesa hakilar ho lian maka’as hodi dehan tuda karik vitima ne’e halai
“Iha segunda lokraik nia sempre homan katupa no bola nia trigu, to’o tuku 9:00 kalan vitima kontinua sona dosi no tein katupa, derepenti deit iha oras 2:24 iha madrugada tama ona ba loron tersa-feira dia 21 Fulan Abril Tinan 2026, ho hakfodak ha’u rona lian husi liur ema lubuk ida hakilar dehan (tuda-tuda, karik nia halai), maibe ha’u hanoin sira duni animal ruma, tamba ha’u la senti buat ida ha’u kontinua sona ha’u nia dosi” dehan Porta-Voz, Aleixo de Sousa Freitas iha Hera Hali Dolar
Nia hatutan, oknum PNTL ne’e derepenti bolu vitima ho lian makas hodi dehan vitima sai ba liur, maibe vitima hatan hodi dehan sei sona dosi, nune’e sira nafatin obriga vitima hodi sai ba liur, vitima halo tuir no sai ba liur oknum PNTL basa maka’as ba vitima Filomena Soares no monu ba oknum PNTL ne’e ain
“Derepenti deit sira bolu ho lian makas, ‘fol Ferik o sai mai lai”, no ha’u kontinua hatan ba sira katak, ha’u sona hela ha’u nia dosi, maibe sira hatan ho lian maka’as hodi obriga katak, o husik hela dosi, o tenki sai mai agora kedas, depois ha’u mos hakat sai husi dapur mai iha liur hetan kedas basa maka’as husi Oknum PNTL Ho naran Justinho Menezes, Diviza Assistente Comisário (Fitun Ida), halo ha’u oin halai no monu kedas iha nia ain okos” porta-voz esplika
Alende ida ne’e, vitima koko hodi hamrik salva nia an husi oknum refere maibe husi seguransa pesoal ba komandante PNTL ne’e hanehan nia kabas hodi hakilar dehan ba vitima Buan no kaer Ai-Moruk at
“depois de ha’u monu, ha’u koko hamrik hodi salva ha’u nia a’an husi sira, maibe nia Eskoltu) ida naran Basilio Da Silva ho Diviza Ajente Prinsipal kontinua hanehan ha’u nia kaba’ as rua hodi hakilar dehan, o ne’e buan no kaer aimoruk a’at. O tenki hakneak iha ha’u nia Komandante nia ain okos, hodi hasai tiha o nia esperitu a’at ne’e, ha’u hakuak Oknum Superior Justinho Menezes nia ain, hodi tanis no hakilar, ha’u la halo ritual a’at iha ne’e, ha’u hanesan feto faluk ida, ha’u sona hela ha`u nia dosi, tamba orsida atu lori ba fa’an iha bajar, entaun sira halai husik la ha’u, ala iha ba sira nia uma, ho distansia mais ou menus lima-nulu (50) metros, husi ha’u nia uma akontesementu” nia haktuir
Enkuantu husi problema ne’e vitima Filomena Keixa kedan ba Polisia Nasional Timor-Leste (PNTL) eskuarda Polisia Uatulari nian iha loron 23 Abril 2026, oras 08:00 Otl, maibe komandante eskuarda rasik kansela hodi labele resolve iha eskuarda PNTL nian maibe resolve tuir kultura no familia
“Husi problema ne’e ha’u hato’o kedas keixa ba Eskuadra PNTL Uatulari, iha loron Kinta -Feira dia 23 Fulan Abril Tinan 2026 iha oras 8:00 dader-san, maibe komadante Eskuadra rasik konsela hau katak, kazu ne’e labele rezolve iha ne’e, maibe ba rezolve iha Aldeia ka tuir Familia no halo, ha`u lasatifaz ho Komandante Eskuadra nia liafuan sira ne’ebé hateten mai ha’u, ho responde kedas ha`u hateten, tamba sa imi la hatan ha’u hato o keixa no Haruka ha’u tenki fila ba resolve tuir kultura no tradisaun Timor nian, ka imi nia komadante mak depende malu” tenik nia
Entretantu, vitima ne’e husu ba Parlamentu Nasional (PN) liu-liu ba komisaun B, komisaun E hodi akompaña prosesu ne’e, nune’e husu mos ba Rede Feto hodi halo prosesu investigasaun,
Vitima husu ba Komandate Geral Polisia Nasional Timor-Leste (PNTL) komisariu Afonso da Costa hodi foti medida ba Oknum PNTL ho nia seguransa pesoal ne’ebé halo agresaun fisiku hasoru vtimia Filomena Saores no husu ba Provedoria Direitus Humanus no Justisa (PDHJ) halo investigasaun ba oknum PNTL ne’ebé halo torturasaun hasoru povu sira iha terrenu
Jornalista: Mateus F. de Deus
