Dili 03 Juni 2026-porta-Voz, Florinda Viana hateten, Klibur Estudante Joventude Baguia (KEJB) husu Ministeriu Obras Publika (MOP) hodi resolve emrjensia ba Estrada ho ponte ai ne’ebé liga ba merkadu dadaun ne’e sai afeita ba komunidade sira iha Postu-Administrativu Baguia, minisipiu Baucau
“Problema infra-estrutura kontinua sai preokupasaun boot ba komunidade iha postu administrativu Baguia komunidade husi suku 10 liliu Haekoni,Osuna,no Afaloika durante tinan barak kontinua husu Guverno atu hadia estrada hodi fasil ita asesu ba edukasaun saúde no merkadu no servisu públiku sira maibé to ohin loron problema infra-estrutura ne’e seidauk hetan solusaun permanente” dehan porta-voz, Florinda Viana liu husi Komunikadu Imprensa iha Jardim 5 de maio
Portavoz ne’e haktuir, dadaun ne’e estrada iha Postu Baguia sai grave liu tan tanba mota pasarawi kotu totál tanba kauza husi udan ho intensidade ne’ebé mak sai durante semana ida resin hafoin estrada liga ba área pasarawai suku Haekoni ne’e difikulta movimentu komunidade nian
“udan ne’ebé ho intensidade as halo ponte Pasarawai kotu totalmente no interompe transporte públiku no privadu atu responde ba situasaun ne’e autoridade suku no komunidade sira organiza malu hodi harii ponte provisoriu ne’ebé uza Ai maibé ponte refere la seguru ba komunidade sira atu halo movimentu ba mai iha tempu udan tanba udan mota tun ho volume ne’ebé mak bot” nia haktuir
Iha sorin seluk Joventude Baguia, Livio do Rego argumenta, ligadu ho problema infraestrutura ne’ebé Postu Baguia hasoru tanba fó impaktu bot ba komunidade sira atu asesu ba merkadu edukasaun no saúde ne’ebé ho distansia dok
“hanesan foin dadauk akonsete pasiente ida moras iha suku Osuna maibé komunidade sira hit de’it husi suku Osuna mai to Bagia vila ho distansia kilometru 8 sira hit deit mai tia sentru saúde Baguia vila hafoin transporta pasiente mai Baucau vila ho problema hirak husu ba parte relavante sira tenki rezolve emerjensia ponte ne’ebé mak dadaun ne’e kotu“
Ligadu ho situasaun ne’ebé komunidade suku 10 iha Post-Administrativu Baguia infrenta no fo impaktu ba sira nia ekonomia família tanba kondisaun Estrada at no komunidade sira atu lori sira nia produtu lokal ba asesu iha merkadu ladiak
Jornalista: Aniceto da Silva
