Dili 02 Juñu 2026-Ekipa Validasaun ba dadus frente externa intrega ona lista Veteranus hamutuk na’in 118 ba Ministériu Asuntu Kombatentes Libertasaun Nasionál hodi hala’o verifikasaun molok taka sai ba públiku iha tempu badak
Ministériu Asunto Kombatentes Libertasaun Nasionál (MAKLN), Gil da Costa “Oan Soru” hatete, horseik no ohin ekipa validasaun ba dadus veteranus iha frente externa halo validasaun ba veteranus hamutuk na’in 118 no ohin ekipa intrega ona ba Ministériu Asuntu Kombatentes Libertasaun Nasionál (MAKLN), depois Konsellu Kombatentes Libertasaun Nasionál (sigla Portugés, CCLN) verifika hafoin públiku iha tempu badak.
“Dadus seidauk anúnsia ita boot sira balun ohin balu hasa’i fotografer ema totál hamutuk 118, iha ne’ebá ne’e iha diferente durasaun partisipasaun, agora ohin sira asina iha tinan kotuk liu ba sira ekipa mak duni i ohin sira mak ami halo kontínuasaun ba verifikasaun ne’e atu nune’e sira bele valida aprova hasai nia edital sira, mais edital sira seidauk efetivu hein aban Presidente ho Sekretáriu CCLN asina ikus mak foin anúnsio ba públiku i sei anusio ba iha nasaun sira iha li’ur pur ezemplu Austrália, Portugál ba sira ida-idak nia partisipasaun tuir buat ne’ebé mak mensiona ona iha sistema baze dadus,” dehan Ministériu Asunto Kombatentes Libertasaun Nasionál Gil da Costa”Oan Soru ba Jornalista sira iha Salaun 3 de Marsu Maubai, Komoro
Nia dehan, ko’alia kona ba eskalau ida, rua no tolu, eskalau ida-ne’e katégoria ba 20 até 24.
“Pur ezemplu dois ne’e ko’alia kona-ba ko’alia kona-ba 15-19 agora sira seluk ne’e ba iha 8-14 balun la to’o porque iha ne’ebá ohin ita bo’ot akompaña kedas sira asina hotu mais iha balu ne’ebé mak la’ós kombatentes tanba atu rekoiñese nu’udar kombatentes nia partisipasaun ne’e no minimu ne’e tenke tinan tolu, tuir artigu 4 iha estatutu kombatentes libertasaun Nasionál kuandu la too ida ne’e atualmente lae, ne’e partisipasaun enjéral de’it la’ós dedikasaun exklusivu,”nia dehan
Nia esplika kona ba lista ida ne’e indetifkasaun ne’e ekipa validasaun ohin liu mak identifika la’ós Ministériu Asunto Kombatentes Libertasaun Nasionál mak idetifika.
“La’ós Ministru mak identifika, Ministru ne’e lídera instituisaun ne’ebé mak tutela ba asunto ne’e maibé idetifika mós ka la’ós sira na’in hirak ekipa ne’e mak identifika, tanba verifikasaun ne’e sira mak halo,”nia esplika.
Nia haktuir, hafoin lista ne’e taka sai, sei fo tempu ba publiku hodi halo reklamasaun ba ministeriu maibe buat hotu halo tuir lei ne’ebé vigor ona
“Tanba ne’e mak ita bo’ot sira atu anúnsiu ne’e ha’u dehan la bele nia prosesu sei tuir ami taka ba públiku kuandu iha reklamasaun ruma no kontestasaun ruma no protestu la iha ona mak ita foin dehan lista ne’e definitivu mais kuandu ema sei iha direitu atu halo reklamasaun ema sei halo reklamasaun tuir lei envigor, ne’ebé ami sei fó tempu ba sira atu halo reklamasaun no kontestasaun ami halo tuir lei de’it, ami sei halo la sees husi lei ida,” nia haktuir.
Ekipa verifikasaun dadus frente externa ne’ebé halo durante loron rua iha Salaun 03 de Marsu Maubai hahú husi loron 01 to’o loron 02 fulan Juñu 2026, ekipa lidera husi Sekretáriu Jerál Partidu Fretilin Mari Alkatiri, Ministru Presidensial Konsellu Ministru, Agio Pereira, Estanislau Aleixo da Silva, no Embaixador RDTL ba Australia no Atual Treiseira Vise Presidente CCLN, Inês de Almeida, no seluk tan.
Jornalista: Mateus F. De Deus
