Dili, 09 Juñu 2026 – Superintendente Xefe Polísia João Belo dos Reis hateten, simu informsaun husi Atoridade Audineira, Alfandega Tibar, fó informasaun ba PNTL deskonfia kontetor 40 fit tama portu Dili ho dokumentu ne’ebé suspeita katak deskonfia buat ruma iha laran, holo Verifiksaun hetan Sasan kontra Bandu hanesan sigarru Ilegal Karton 830 mak iha laran
” ami halo verifikasaun ba dokumentu hotu-hotu ne’ebé mak tama depois ita loke kontetor ita hetan manifesta atu hatama sasán ne’e kadeira meza maibé iha laran sigarru karton 830 mak iha laran, sigarru sira-ne’e sigarru ilegál la iha lisensa tanba ne’e Diresaun Servisu Investigasaun Kriminál lori sigarru ne’e mai halo identifikasaun hodi prosesu ba iha Ministeriu Públiku.” Dehan Porta Voz PNTL João Belo
Xefe Polisia ne’e infoma tan katak, Nain ba sigarru Ilegal ne’e ema Xina, Maibe kompañia Timor Oan ida mak ho Inisial BM mak hatama mai Timor-Leste,
” sira tenta atu hatama fali husi Tibar, na’in ba sasán orijen husi Xina mak mai, maibé iha kompañia Timor oan ida ho inisial BM mak importa mai Timor-Leste Ita foin mak hetan ema na’in ida depois ita buka tuir nafatin ba sese mak iha laran ita sei bolu hotu mai hodi responsabiliza ba nia asaun ne’ebé sira halo” nia hatutan
Portavoz PNTL komandu Jeral ne’e Afirma tan katak, sasán kontra bandu sira ne’e, Diresaun Servisu Investigasaun Kriminál halo identifika no entrega ba Ministeriu Publika atu destroi ka atu lelaun ne’e kompetensia MP kna’ar Polisia nian mak identifika prosesu investiga pois aprezenta ba Ministeriu Públik kazu ne’e rezista ona ho númeru NUC 0207/ PNSIK
Jornalista: Mateus F. de Deus
