Dili, 10 Juñu 2026 – Komandante Munisipiu Dili, Asistente komisariu Polisia, Orlando Gomes, hateten Kazu kurtu agravadu akontese iha Kuartel Jeral, suspeitu nain rua sobu Motor nia bagasi hodi naok osan $.100.00 ho Kapasete suspeito ho inisial OF, JE hetan kapturasaun husi Forsa F-FDTL.
“Iha kazu kurtu agravadu ida ne’ebe akontese iha kuartel Jeral F-FDTL nian, Kazu hetan kapturasaun ita forsa F-FDTL, iha fatuhada, suspeitu nain rua ne’e sobu Bagasi hodi naok osan no kapasete, suspeitu nain rua mai dia 27 iha kuartel fatuhada nia kotuk, sira sobu tiha bagasi hodi naok osan 100$, pois sira mai fali dia 28 kalan 8 oras, ema hanesan suspeitu nain mak hanesan, pois iha dia 29 sira mai tan iha tuku 8 kalan, ita nia forsa sira monitor liu husi CCTV, pois ba halo kaptursaun ba sira” dehan Komandante Munisipiu Dili, Asistente komisariu Polisia, Orlando Gomes iha Aimutin Dili
Komandate PNTL Munisipiu Dili sublina, depois Forsa F-FDTL kaptura suspeitu nain rua, entrega ba Eskudra Dom Aleixo, hodi Prosesu Investigasaun, submete 72 horas tuir orientasaun Ministeriu Publiku nian, suspeitu nain rua hetan ona Prizaun Preventiva
“Ita nia forsa sira kaptura entrega mai eskuadra Dom Aleixo hodi ita halo prosesu investigasaun, ita submete ba 72 oras, orientasoens Ministeriu Publiku nian, agora daudaun sira nia kazu ne’e ba ona iha Tribunal, sira hetan ona Prizaun Preventiva, sira nain rua hela iha Taibessi mak mai naok iha Fatuhada” nia hatutan
Alende ne’e Komando Munisipiu apela ba Inan Aman atu Kontrola oan sira, no autoridade Lokal mos tenke kontrola ikus Joven sira ne’ebe ransu libre hodi ba Naok ema nia sasan no asaltu ema
“Komando Munisipiu Dili hakarak apela ba sidadaun ne’ebe hela iha kapital Dili, ba Joven sira, ita hare situsaun ikus, naok ne’e aumenta ba beibeik, komandu husu Inan Aman sira atu Kontola oan sira, husu mos ba Inan Aman no Autoridade sira atu hot-hotu bele kontrola ikus ita nia Joven sira ransu libre ho kolega sira seluk kalan tur hamutuk hodi halo plano ba naok ema nia sansan , Asaltu ema, Polisia mos nafatin kontrolu iha tempu kalan” nia hakotu
Jornalista: Mateus F. de Deus
