Dili 12 Juñu 2026-Juventude ba Dezenvolvimentu Nasional (JDN) hamutuk ho Diresaun Nasional Transporte Terrestre (DNTT) servisu hamutu ho Polisia Nasional Timor Leste (PNTL) liu husi Unidade Polisia Tranzito hodi halo sosializasaun ba kondutor transporte publiku sira hanesan mikrolete, oinsa atu fo fatin espesifiku ba Ema ho Defisiensia (EhD), nune’e taka autokolante ka stiker ba mikrolete sira
Ativista husi Organizasaun Juventude ba Dezenvolvimentu Nasional (JDN), Felisia Maria Carvalho hateten, atividade taka estiker ba mikrolete 01-013 ne’ebé hakerek fo fatin espesifiku ba Ema ho Defisiensia (EhD) ne’ebé servisu hamutuk ho Ministeriu Transporte no Telekomunikasaun (MTK)
“atividade ne’ebé mak agora daudaun ami halo hela ne’e, ami taka estiker fo fatin espesifikku ba kolega ho defisiensia sira atu nune’e sira asesu ba transporte publiku, sae lalais no tun ho lalalis, fatin espesifiku ne’ebé kolega defisiensia sira asesu ne’e mak iha kondutor nia oin no kotuk, kadeira besik odamatan, molok ami halo ida ne’e ami servisu hamtuk ho ministeriu transporte no telekomunikadsau, atividade ida ne’e akontese ba dala tolu ona, ami konsege taka ona estiker liu rihun ida, ba iha transporte publiku husi 01 to 013” dehan Organizasaun Juventude ba Dezemvolvimetu Nasional (JDN), Felisia Maria Carvalho, iha Largo Lecidere Dili
Alende ne’e, halo mos observasaun ba iha mikrolete sira hafoin taka estiker hodi fo fatin ba Ema ho Defisiensia (EhD) sira katak iha duni mudansa, ba kondutor sira mos eduka pasajeiro sira hodi fo fatin ba Ema ho Defiensia sira no presiza mos publiku nia konsiderasaun nune’e Ema ho Defisiensia (EhD) iha direitu hanesan ho ema la ho defisiensia
“depois de ami taka tiha estiker ba iha transporte publiku sira, ami ho kolega defisiensia sira halo fali monitorizasaun, iha balun ne’ebé ladun komprende maibe kondutor sira eduka fila fali sira atu nune’e bele fo fatin espesifiku ba kolega defisiensia sira, ami halo komunikasaun ho kondutor sira depois de taka estiker, kondutor balun hatete iha mudansa, hau hanoin ida ne’e presiza mos konsiderasaun husi publiku hotu” nia afimra
Hanesan Membru husi Organizasun Juventude Dezenvolvimentu Nasional (JDN), Maria Eva Martins afirma katak, senti kontente ho estiker ne’ebé taka ba transporte publiku, pasajeirus sira bele komprende hodi fo fatin ba Ema ho Defiseiensia (EhD) sira
“hau senti kontente tebes tanba liu husi estiker ne’ebé taka, pasajeiru sira iha bemo nia laran komprende kona-ba estiker, bele ajuda ami ho defisiensia ne’e bele asesu ba transporte publiku, iha pasejeiru balun fo fatin ba maibe balun la komprende ida ne’e hanesan difukuldade ida” dehan Maria
Jornalista: Mateus F. de Deus
