Dili 14 Juñu 2026-Xefe Seksaun, Investigasaun Munisipiu Dili, Superintendente Asistente Polisia, Rogeiro dos Reis hatete, Kazu Inan ida tenta atu Soe nia oan iha Aldeia 4 de Setembru Suku Comoro, Posto Dom Aleixo, Munisipiu Dili, iha loron 13 Juñu 2026, Suspeita hanesan funsionaria iha Asrama Dom Bosco Comoro Dili
“iha Sidadaun feto ida ne’ebé mak hanesan funsionaria mos ba iha Parte Dom Bosco nian, hafoin nia partus bebe oan ne’e nia falun tiha ho hena pois tau iha nia fatin, nia telefone ba nia kolega servisu bosok dehan ema mak soe bebe mak nia hili, maibe Realidade laos hanesan ne’ebé mak nia dehan, depois de testamuña to iha fatin, Orientasaun Amo Padre konsege lori Bebe ba sentru saude kampun Baru halo tratamentu” Dehan Xefe Seksaun Investigasaun Munispiu Dili, Suprentendente Asistente Polisia, Rogeiro dos Reis iha Komandu Munisipiu Dili Caicoli
Nia Sublina, hafoin akontesimentu Polisia Posto Dom Aleixo hamutuk ho VPU Munisipiu Dili to kedas iha lokal do krime hodi asegura Suspeita Bebe ho nia inan rasik halo tratamentu iha hospital Nasional Guidu Valadares (HNGV) tuir orientasaun doutor sira nian, no sei halo indentifikasaun ba aman husi bebe
“Bebe agora ho kondisaun moris hela, ho kondisaum diak hamutuk ho suspeita baixa hela iha Hospital Nasional Guido Valadares, ita nafatin halo prosesu hasoru nia inan, kona-ba nia Laen, depois kondisaun suspeita diak, ita sei halo indentifikasaun bebe ne’e nia Aman se nomos halo investigasaun kontinua” nia Afirma
Rogeiro dos Reis Esplika, motivu husi Kazu Suspeta Soe Bebe tanba tauk nia aman siak
“Informsaun ne’ebé parte investigasaun hetan husu suspeitu hanesan bebe nia inan rasik katak, motivu nia soe bebe ne’e tanba presaun psikolojia husi familia sira liu-liu nia aman ne’ebé siak demais bele baku mate nia, ida ne’e mak halo nia tauk nia ho intensaun hakarak atu soe ka estraga bebe, maibe ita konsege Salva” nia hakotu
Suspeitu ba kazu Soe bebe ne’e ho Inisial AMQ ho idade 20 kazu ne’e rejisto NUC 0456/26
Jornalista: Mateus F. de Deus
