Dili 15 Juñu 2026-Asosiasaun Defisiensia Timor-Leste (ADTL) ho nia membru sira halo enkontru trimestral ba dala XXVIII, atu fortalese unidade no planeamentu organizasaun nian hodi hamutuk haforsa Ema ho Defisiensia (EhD) nia lian iha territóriu Timor-Leste nia laran
Diretor Ezekutivu Asosiasaun Defisiensia Timor-Leste (ADTL), Cesario da Silva hateten inkontru trimestral ne’e ba kada fulan tolu Asosiasaun Defisiensia Timor-Leste (ADTL) organiza inkontru trimestral membru ba dala XXVIII
“Normalmente inkontru ADTL nian kada fulan fulan tolu ADTL sempre organiza nia membru sira hodi halo inkontru, entaun inkontru trimestral membru ba dala XXVIII ba periodu ida ne’e ADTL sei koloka asunto prinsipal sira hanesan, asunto prinsipal sira bolu atensaun membru sira nian atu tau hamutuk unifita forsa hodi halo advokasia konjuntu ba direitu Ema ho Defisiensia nian” dehan Diretor Ezekutivu Asosiasaun Defisiensia Timor-Leste (ADTL), Cesario da Silva iha Salaun MTK caicoli dili
Iha periodu inkontru trimestral membru ba dala XXVIII ne’e hodi membru sira halo diskusaun konaba prioridade saida mak presiza duni hodi kontinua halo advokasia liu-liu ba asunto inkluzaun defisiensia iha Timor-Leste nian
Alende ne’e kontinua akompaña nafatin diskriminasaun no izolamentu ba sira ne’ebé des-humanu sira nafatin hasoru Ema ho Defisiensia (EhD) iha fatin-fatin
“ita hotu akompaña atu diskriminasaun atu izolamentu atu sira ne’ebé mak des-humanu nafatin akontese ba Ema ho Defisiensia ho nune’e mak ita hakarak bolu membru sira hotu mai partilla servisu sira ne’ebé mak halao tiha ona alende ida ne’e atu kontinua lori isu ne’e ba kontinua advokasia iha nivel nasional” nia dehan
Nia hatete, iha inkontru trimestral ida ne’e koalia konaba hare uluk ba dezenvolvimentu institusional, tanba ne’e Asosiasaun Defisiensia Timor-Leste (ADTL) nia papel hodi apoiu ba membru organizasaun ne’ebé liu-liu ba dezenvolvimnetu institusional nian
“primeiru inkontru trimestre ida ohin pur ezemplu ami hare uluk ba dezenvolvimentu institusional ADTL nia papel importante ida atu apoiu membru organizasaun liu-liu ba dezenvolvimnetu institusional ami halo tiha ona asesmentu ida depois ohin sei lansa asesment ne’e, asesmentu konaba kapasidade membru organizasaun, entaun ADTL nia membru sira husi relatoriu ne’e hatudu katak hahu iha kapasidade naton entermus de jestaun organizasaun nasional
Jornalista: Aniceto Da Silva
