Dili 14 Juñu 2026-Polisia Nasional Timor-Leste (PNTL) kaptura Joven nain neen kompostu husi feto rua mane haat husi organizasun Artemarsiais (IKS-PTL) ne’ebé pratika atividade Arte Marsais subar iha Suku Bebonuk Posto Dom Aleixo, Munisipiu Dili
Xefe Seksaun Investigasaun Munisipiu Dili, Superintendente Asistente Polisia, Rogerio dos Reis hatete, grupu Arte Marsiais sira kontinua pratika atividade subar maske Governo sei suspende hela atividade Arte Marsiais no Arte Rituais, maibe realidade iha balun sei treinu subar iha tempu kalan
“Organizaun arte marsiaia balun tuir rezolusaun agora sei suspende hela, maibe na realidade sira kontinua lao nafatin, ita hetan informsaun husi komunidade sira ne’ebé hela besik iha fatin treinamentu, ita konsege asegura Suspeitu nain neen agora ita submete ba detensaun 72 horas, hodi aprezenta ba Ministeriu Publiku nomos ba Tribunal atu bele submete ba Primeiru Interogatoriu”dehan Xefe Seksaun Investigasaun Munisipiu Dili, Superintendente Asistente Polisia, Rogerio dos Reis, ba Jornalista sira iha nia kna’ar fatin Komando Munisipiu Dili
Suspeitu sira ne’ebé pratika atividade Arte Marsiais husi organizasaun Ikatan Kera Sakti (IKS) ne’ebé halao atividdade treinu subar ne’e ho inisial JEFB, MJB, FGF, LCF, DF, BSF, suspeitu sira komete Fragante de Litu, Kazu ne rejisto ho nuc 0455/26 DICMR
Iha loron 3 fulan-Juñu tinan 2026, liu husi Reuniaun Konsellu Ministru iha Palásiu Governu, aprova projetu Rezolusaun Governu nian, ne’ebé hanaruk, to’o loron 31 fulan-Dezembru tinan 2026, períodu vijénsia suspensaun ba ensinu aprendizajen no prátika arte-marsiál no enserramentu temporáriu ba fatin no instalasaun hotu-hotu ne’ebé destinadu ba ensinu, aprendizajen no prátika arte marsiál.
Desizaun ne’e kontinua Rezolusaun Governu nian Nú. 45/2023, loron 10 fulan-Novembru, ne’ebé prolonga ona tuituir malu husi rezolusaun sira Nú. Asumsaun sira ne’ebé justifika suspensaun ne’e vigora nafatin, nomeadamente nesesidade atu konsolida dame sosiál ne’ebé hetan ona dezde fulan-Novembru tinan 2023 no atu garante katak prátika arte marsiál sira nian monu eskluzivamente ho atividade saudavel no desportista ida ne’ebé maka’as kontribui ba edukasaun no formasaun sívika no umanístika ba joven sira.
Jornalista: Mateua F. de Deus
