Dili, 18 Juñu 2026-Rede Feto Timor-Leste (RFTL) konsidera autoridade seguransa Polisia Nasional Timor-Leste (PNTL) halo atuasaun lao tuir protokolu atendimentu nian, tanba relasiona ho situasaun sira ne’ebé akontese iha fatin-fatin hanesan kazu soe bebe sira ne’e parte relevante sira halo atuasaun kaer mak feto maibe mane sira kontinua husik livre no la kaer
Presidente Rede Feto Timor-Leste (RFTL), Zelia Fernandes hatete, los duni kazu so’e bebé kontinua iha maibé Rede Feto Timor-Leste observa mós ba parte sira ne’ebé kontínua halo atendimentu ba kazu liu-liu kazu sira soe bebe ne’e kuandu tama ona prosesu iha instituisaun relevante sira iha Polisia Nasiona Timor-Leste (PNTL) sira tenke tetu mós ba kontextu atendimentu ninian.
“Maibé atu dehan katak, ita la fó sala ba iha atendimentu ne’ebé maka iha dala ruma protukuler atendimentu ninia tenke la’o duni hanesan, primeiru ha’u atu dehan hanesan ne’e foun ami mós prekupa bainhira kuandu ema so’e bebé nusa mak tenke ba kaer feto tanba sá mak mane livre, tanba feto mesak de’it sei la iha bebé” dehan Presidente Rede Feto Timor-Leste Zelia Fernandes ba Jornalista sira iha Salaun Fokuper
Nia dehan depois Rede Feto Timor-Leste halo diskusaun ida ho gabinete Igualidade Jéneru iha Polísia Nasionál Timor-Leste (PNTL) nian, hodi intende katak kaptura bebe nia inan mak hafoin halo investigasaun nune’e hatene bebe ne’e nia aman
“Foin ami intende katak tanba sá mak tenke kaptura inan ka feto ne’ebé mak so’e bebé primeiru tanba só úniku inan ka feto nian mak hatene liu sé mak aman husi bebé ne’e entaun atu hetan informasaun ne’ebé mak kle’an sira tenke foti duni inan ka feto ne’e para depois bele hetan informasaun serteza hodi bele halo atuasaun tuir mai,”Nia dehan.
Nia esplika, hafoin to’o iha nivél ida ne’e Rede Feto Timor-Leste (RFTL) intende katak la siginifika kaptura de’it feto maibé nia úniku fontes ne’ebé bele hetan informasaun sufisiente hodi ajuda autoridade sira halo atuasaun sira tuir mai.
“Tanba ne’e ha’u hanoin katak iha kazu balun ita bele dehan katak ho apoiu inan ka feto sira nia ikus mai sira kaptura mós mane sira ne’ebé mak la iha responsabilidade atus sira ne’ebé sira halo ona, saida mak mensajen husi situasaun sira ne’e hotu koperasaun parseira servisu hamutuk ne’e importante tebes atu ita labele husik situasaun violénsia ne’e kontinua akontese maibé ita hotu-hotu tenke sai ekipa ida ne’ebé forte atu bele tau matan ba iha situasaun sira-ne’e bainhira akontese so’e bebé los duni ema hotu nia matan sempre hateke ba feto ne’ebé so’e ona bebé Itália hatene sa razaun mak nian iha maibé públiku dala barak tebes halo konluzaun sedu antes hatene motivu saida mak akontese sitausau hanesan ne’e,”Nia esplika.
Jornalista: Aniceto da Silva
