Dili, 26 Juñu 2026-artista joven ho naran Luciana verdial sei halo lansamentu ofisial ba musika ho titulu Quero-te Perto ba publiku iha loron 28 fulan junu 2026.
Produtór Ezekutivu Zeus Legacy Records’ Eligio Moniz Do Rego hatete, musika ho lian portgés ne’ebé liga ho domin, espera husi musika ne’e bele hamaluk rona nain sira iha tempu saida de’it
“Quero-te Perto” hatudu Luciana nia vokál ne’ebé furak, hamutuk ho arranju muziká modernu ne’ebé maka iha ligasaun emosionál ne’ebé maka’as. Hein katak single ida ne’e bele kona rona-na’in sira nia fuan, no iha tempu hanesan hametin Luciana Verdial nia pozisaun nu’udar rikusoin ne’ebé iha valór iha jerasaun foun iha indústria múzika Timor-Leste.
Produtór Ezekutivu hatutan katak, lolos ne’e halo lansamentu ba musika ho mini konsertu maibe governo Timor-Leste sei implementa hela lutu nasional liga ho falesimentu Eis Presidente Republika, Francisco Guterres lú-Olo, tanba sei deside halo de’it komunikadu imprensa hodi fo sai ba publiku
“Lansamentu ba single ne’e orijinalmente marka ona ba loron 28 fulan-Juñu tinan 2026, tuir planu sei selebra ho mini-konsertu ida. Maibé nasaun Timor-Leste iha lutu nasionál nia laran, ne’ebe Eis-Primeiru Presidente Leijislatura no Eis-Prezidente Repúblika Demokrátika Timor-Leste, Francisco Guterres Lú-Olo, hakotu iis iha data 21 Juñu 2026, entaun Zeus Legacy Records hamutuk ho Luciana Verdial deside muda formatu eventu ne’e nu’udar sentidu solidariedade no sentidu nasionalizmu ne’ebé klean, mini-konsertu ne’e kansela ofisialmente no muda ba konferénsia imprensa, no limita de’it ba jornalista ka media sira”
Maski formatu eventu nian ajusta hodi respeita períodu lutu nasionál, entuziazmu atu introdús “Quero-te Perto” ba públiku espalla liuhosi mídia eletróniku no online ne’ebé eziste.
Luciana Verdial mós fahe nia mensajen pesoál kona-ba ajustamentu ida-ne’e ” Múzika “Quero-te Perto” konta istória kona-ba hakarak atu besik nafatin ba sira ne’ebé ita hadomi. Agora daudaun, emosionalmente, hakarak besik ba povu Timor-Leste tomak bainhira ita reza ba matebian aman nasaun Lú-Olo, hein katak obra ida-ne’e bele sai fonte konsolasaun no enkorajamentu iha ita-nia nasaun ne’ebé hasoru susar ho lutu ida ne’e”
Ekpa Kobertura: Zeus News
