Dili, 24 Juñu 2026-Sekretariu-Jerál Partidu Frente Revolusionária Timor-Leste Independente (FRETILIN), Mari Alkatiri hatete, povu Timor-Leste lakon nia lider matenek ho transparente, tanba ne’e iha situsaun ida ne’e hodi aproveita atu hotu-hotu hamutuk transforma susar sai ba forsa ida no dalan naruk hodi lao hamutuk no importante ba kuadrus militante FRETILIN sira
“Hau nia mensajen laos deit ba media, ba povu tomak, aproveita situasaun ida-ne ‘e atu hotu- hotu hamutuk, ita transforma ita nia susar ba forsa ne’e mak ami hatete. Saida maka susar ita tenke ho Maromak nia ajuda transforma no fó forsa ba ita hotu tanba ita hatene katak sei iha dalan naruk para atu lao hamutuk, ida-ne’e maka importante liubá povu tomak, importante liu ba kuadru no militante FRETILIN nian,”dehan Sekretariu Jerál Partidu FRETILIN Marí Alkatiri, haktuir iha konferénsia imprensa iha rezidénsia saudozu Francisco Lú-Olo, Díli
Mari Alkatiri hateten, Motto FRETILIN nian “Unir para ransformar” tanba ne’e aproveita loron ida ne’ebé susar ba hotu-hotu, ba nia espesialmente, ba família espesial liután susar, maibé tenke buka dalan atu transforma susar ne’e sai forsa.
Alende ne’e Sekretariu Jeral Partidu FRETILIN haktuir katak koalia ho saudozu Francisco Lú-Olo kuaze loron-loron maibe saudozu dehan ita rua hamutuk servisu ne’ebé ida ba ona ida tenke hela hodi kontinua servisu
“Ha’u koalia ho prezidenti FRETILIN Saudozu Lú-Olo kuaze loron-loron, nia sempre dehan ita rua ne’e enkuantu hamutuk, servisu, ida ba ona ida tenke hela kontinua servisu, ne’e mak nia hatete. Ha’u lembra fali mensajen ida-ne’e, mensajen uluk Prezidenti Nicolau Lobato hatete ba ha’u, obriga ha’u sai , ha’u dehan ita hahú hamutuk bele kontinua hamutuk, ida-idak iha nia fatin, labele mate hotu dala ida,” Mari Alkatiri hateten.
Enkuantu Iha konferensia imprensa ne’e fundador RDTL ne’e ho emosaun tristeza hodi hateten tanba sa hau mak tenke simu todan ida-ne’e, ne’ebé prontu simu, maibe so bele iha forsa bainhira militantes FRETILIN tomak fo forsa ba nia no bainhira povu tomak fo fiar ba nia.Mari Alkatiri haktuir, durante nia hamutuk ho saudozu Lu- Olo hanesan ema ida ne’ebé moos tebes, transparante no korrupsaun laiha no sempre dehan buat ne’ebé iha ona nia bikan labele ba hasai tan iha ema seluk nia bikan.
“nia ema ida ne’ebé ke moos tebes transparensia korrupsaun ba nia la iha deit. Nia hanesan iha buat ruma ona nia dignifika ne’e nia deklarasaun hanesan ida ita ba hasai sasan husi bikan ho dapur ne’ebé ke ema la iha buat ida ne’e deklarasaun Lú-Olo nian” nia haktuir
Liu husi konferensia imprensa sekretariu jeral FRETILIN deklara katak, sei halot saudozu Francisco Guterres Lu- Olo nia restus mortais iha saudozu Fransisco Xavier do Amaral no mos Saudozu Jose Antonio Gomes da Costa “Mau Huno” nia klaran iha Jardim dos Herosi Metinaro.
Entretantu, tuir orario ne’ebé governu aprova iha Konsellu Ministru katak Saudozu Fransisco Guterres Lú-Olo nia seromonia funebre sei hala’o iha Sesta (26/06/2026) no misa Requem sei prezide husi Bispo Dioseze Baucau Don Leadro Marfa Alves iha Igreija Parokia Katedral, Nossa Senora lmaculada Conseicão Villa-Verde, Dili.
Jornalista: Mateus F. de Deus
