Díli, 25 Juñu 2025-Jenerál Reformadu Tenente Lere Anan Timur, lamenta Ministra Saude (MS), ne’ebé lidera husi Elia dos Reis Amaral savi metin pedidu tratamentu husi Francisco Guterres “Lu-Olo” nia iha gaveta to nia hakotu nia vida iha Hospital Malázia Kuala Lumpur
Jeneral Reformadu Tenente, Lere Anan Timur hatete, pedidu Tratamentu husi saudozu Francisco “Lú-Olo” hato’o ba Ministeriu Saude (MS) iha fulan Abril 2026, maibé Ministra Saude savi metin iha nia Gaveta laran, to’o ikus saudozu mate, maibe kazu sira hanesan akontese bebeik ona laos foin Eis Presidente Republika Francisco “Lu-Olo” ne’e
“Tanba la’os kazu ida ne’e de’it, maibé kazu barak-barak, exemplu ha’u nia irmaun Sabika nia ferik-oan mate, Saudozu Francisco Guterres nia hatama surat iha iha fulan Abríl husik iha gaveta laran to’o nia mate de’it, depois ikus mai ita justifika ho Loron Nasionais ka Loron feriadu. Mais ha’u, hanoin ida ne’e la’ós akontese de’it ba ha’u nia kompaneiru no ha’u nia irmaun Lú-Olo, akontese dala-barak ona”, Lere lamenta iha rezidensia maktoban Eis-Prezidente Repúblika Lú-Olo Falor.
Alende ne’e, veteranus sira hahú lakon konfiansa inklui nia rasik lakon konfiansa ona ba Ministra Saude (MS) sira nia atendimentu sira ne’ebé habadak ema nia vida, tanba ne’e nia moras sei la konsumu aimoruk hospital maibe konsumu Aimoruk Tradisional
“Hanesan ha’u bainhira ha’u atu ba ne’ebé ha’u la sateia ona Governu, ha’u ba de’it mais sira hakarak fó ami simu ho liman rua. Mais sira la fó ami la depende ona ba sira,” nia dehan.
Enkuantu Jenerál Reformado Lere Anan Timur, ba oin nia lakoi halo tratamentu saude iha Malázia, tanba nota failansu barak ne’ebé halakon vida veteranus sira nian.
“Ha’u iha ha’u nia lisan no ha’u fiar ha’u nia lulik, ne’ebé hau saúde di’ak hela, hau agora la hemu ai-moruk ida, se ha’u ba Malázia maka sira fó aimoruk sira fó ai-moruk ha’u soe hotu ha’u la hemu ai-moruk, hemu ai-moruk mo’s hanesan de’it, atu kura saida,” hakotu nia
Jornalista: Mateus F. de Deus
