Dili, 25 Juñu 2026-Komisaun Organizadora hamutuk ho Polisia Nasional Timor Leste (PNTL) deside blokeia fatin destinadu ne’ebé Saudozu Francisco Guterres “Lú-Olo” vizita ba
Komisaun Organizadora, Cesar do Santos da Silva hatete, iha loron 26 taka provizoriu dalan ne’ebé saudozu viszita ba sei blokeia hotu nune’e labele halo movimentu ba mai
”Aban ita atu realiza serimonia funebre ba ita nia saudozu Lú-Olo mak sei tuir sekretu sira hanesan iha oras 7:30 dader matebian sei desloka husi nia residensia ba komite sentral Fretilin (CCF) depois homenajem tiha maktoban sei desloka ba iha Kuarter Jeneral FFDTL husi neeba sei liu ba Presidensia Republika Aitarak Laran husi nee sei desloka tan ba iha Igreja Katedral hodi partisipa misa solene requiem neebe preside misa husi Amo Bispo Dili no Baucau,” dehan Komisaun Organizadora, Cesar do Santos da Silva, dehan bainhira halo konferensia imprensa, iha residensia farol.
KO husu ba ema hotu-hotu no liu-liu ba komunikadu atu lao tuir regra ne’ebé komisaun Organizadora ho parte seguransa sitra fo sai ona nune’e aban bele idak-idak lao tuir prosedimentu ne’ebé mak iha.
”Aban ita hotu tenke lao tuir rute ne’ebé mak iha nune’e la bele iha akontesimentu ruma ne’ebé mak ita la espera tanba ne’e rute ita tenke lao tuir no obedese,”nia informa.
Iha fatin hanesan, Falentil-Forsa Defeza Timor Leste, (F-FDTL), Tenente Olderico de Araujo argumenta, aban dader sai husi residensia Farol tun husi tasi ibun nune’e fatin sira ne’e sei blokea temporariamente depois too iha Comite Central Fretilin (CCF) kontinua ba iha Kuartel Jeneral F-FDTL, atu fo omenajem ikus hafoin, kontinua fali ba Palasiu Presidensial nafatin dalan ne’ebé ita mensiona sei blokea hotu depois kontinua fila fali ba misa iha igreja katedral.
”Iha Katedral ne’eba iha PNTL, FFDTL sei blokea hotu depois iha Parlamentu Nasional mos dalan sira ne’ebé ita blokea nune’e ita lao ho diak,” nia dehan.
Nia afirma, banhira sai husi Parlamentu Nasional (PN) ba iha Jardim dos Erois Metinaro husi fatin sira ne’e blokea temporariamente husi autoridade seguransa sira.
Apelu ba sidadaun sira la bele atrapalla ho motor sira bainhira deslokamentu lao iha oin, tanba ne’e hakarak buat hotu lao ho diak durante prosesu funebre tenke kontribui seguransa ba saudozu Francisco “Lú-Olo”.
Komadante Interinu Polisia Nasional Timor-Leste (PNTL), Munispiu Dili Superintendente Polisia, Luis da Silva, informa funebre ba aban nian PNTL lao nia Komandu Jeral fo sai no bazeia ba planu ne’e mak komandu Munisipiu Dili koordena ho familia matebian hodi hasai diretiva operasaun ba aban nian.
”Automatikamente aban tuku 7:30 mate isin sai husi nia residensia membru sira hamutuk 200 resin ami koloka ba iha fatin blokea sira hanesan CCF,Kuarter Jeneral FFDTL, Palasiu Presidensial no Katedral depois misa remata tenke blokea dalan ba iha PN depois kontinua too iha metinaro.
Jornalista: Aniceto da Silva
