Dili, 15 Jullu 2026–Representante Primeiru-Ministru, Vise Primeiru-Ministru (VPM), Mariano Assanami Sabino reafirma katak prosesu luta ba independénsia Timor-Leste hasoru dezafiu oin-oin ho vizaun boot oinsa atu asegura no mantein liberdade iha Ukun Rasik An (URA) ne’e ho diak tanba ne’e rekonsiliasaun kontinua hodi sai dalan importante atu hametin paz, unidade no estabilidade iha Timor-Leste
“Ita hotu hatene ita nia prosesu luta ba independensia ita hasoru dezafiu oin-oin, vizaun boot liu maka oinsa maka ita tenke asegura atu kontinua mantein ita nia liberdade ita nia ukun rasik an ho diak”dehan Vise Primeiru-Ministru Mariano Assanami Sabino Lopes, iha konferénsia internasional, hotel palm spring fatuhada
Nia hatete, bainhira remata ba Prosesu luta fisiku ne’ebé iha 1999 liafuan ida hodi dehan ba sira ne’ebé lakon nia vida fo Honra ho Gloria no respeitu maibe salva ba sira ne’ebé sei moris
“Bainhira ita remata prosesu luta fisiku iha 99 liafuan tuir mai mak ne’e, oinsa sira ne’ebé ke la iha ona ita fo honra fo gloria respeitu maibe ita tenke salva sira ne’ebé ke sei moris ida ne’e maka palavra de onra palavra de orientasaun wainhira iha Aileu ita kuandu hahu ona ba prosesu konstrusaun estadu tanba ne’e maka ita hahu ho prosesu konstrusaun da paz ne’e dalan ida ne’ebé ke importante para atu hala’o prosesu konstrusaun estadu, konstrusaun nasaun i transforma ba prosesu konstrusaun karakter” nia hatete
Visé-PM informa, rekonsiliasaun hanesan dala ida hodi hametin liu tan paz no estabilidade iha Timor-Leste no uniku iha Timor-Leste ne’ebé funu remata maibe hahu di’ak malu ho inimigu sira ne’ebé iha ita nia rai no tama to fronteira
“Tanba ne’e maka rekonsiliasaun hanesan dalan ida ne’ebé maka ita bele hametin liu tan ita nia paz i uniku iha Timor-Leste ne’ebé maka funu foin remata mais ita hahu di’ak malu ho inimigu ne’ebé maka iha ita nia rai ita bele lao ba lao mai ho livre ita i ohin fronteira mos ho diak” nia informa
Maibe ita iha Timor-Leste rasik ita tenke rekoñese dezafiu boot ita tenke nafatin fo dignidade, dignifika nafatin ba vitima sira no lao hamutuk nafatin justisa transisaun ho justisa sosial.
Alende ne’e ba ema hotu nia ideia no opiniaun nafatin sai importante hodi simu no apresia ba povu liu-liu ba Inan aman tanba prosesu ne’e husi povu Timor-Leste ninian
“Tanba ne’e maka ema hotu nia opiniaun ema hotu nia ideia ba ita nafatin importante iha ita hotu apresia ba ita nia Inan aman ba povu Timor-Leste tomak tanba prosesu ne’e povu tomak ninian”
Enkuantu iha konferénsia internasional ida ne’e hodi hare ita nia lisaun no konserva valoriza buat ne’ebé ita halo hodi transmite fila fali ba ita nia jerasaun ba jerasaun katak liberdade ho demokrasia ne’ebé ita hetan ne’e la mai ho gratuitu maibe mai ho Sakrefisiu, luta, mate no fakar ran ne’ebé kuidadu ho ida ne’e
Paz no estabilidade ne’ebé kria sai obrigatoriu ba ita hotu tanba ita nia liberdade ne’ebé ita paz ne’e sosa ho 300 mill ne’ebé mate ba rai ida ne’e
Jornalista: Aniceto da Silva
