Dili, 28 Jullu 2026-Boxista Timor-Leste nain rua husi Delio Anzaqueci Mouzinho no Deniel de Assis Belo lori sintu Holywing Sport Show (HSS) ho Oriental and Pasific Boxing Federation (OPBF), ne’ebé Boxista nain rua ne’e simu husi familia, adeptus Timor-Leste no komunidade Timor-Leste iha Aeroportu Internasional Nicolau Lobato Comoro Dili
Representante Familia, Ana dos Santos Belo hatete, Delio Anzaqueci Mouzinho ho Deniel de Assis Belo sira nia susesu to susesu ne’e ba Timor-Leste nia di’ak ne’ebé esforsu ida ne’ebé sira halo lori moras no hasai ran maibe ne’e mak nia lalaok boxing nian iha mundu internasional
“Delio ho Daniel nia susesu ne’e ba ita hotu iha ninia prosesu progresu nia lalaok mak ne’e, prosesu ida ne’ebé ke boot tebes todan tebes ne’ebé ita hasoru durante ne’e mak preparasaun ne’ebé masimu maximal disiplina respect konsiderasaun moral buat sira ne’e orasaun lubuk bot ida ajuda mos padre sira madre sira ne’ebé reja ba nia harohan ba nia ba maluk timor oan sira hotu ninia kontribuisaun husi liafuan sira husi mensagen sira halo delio manan saroha” dehan Representante Familia, Ana dos Santos Belo iha Aeroportu Internasional Nicolau Lobato Komoro Dili
Representante Familia ne’e rekomenda ba Governu hodi tau matan ba boxista Amatir sira ne’ebé tuir mai, tanba husi Boxista profisional Delio Anzaqueci Mouzinho nia jogu komesa hafanu joven sira hodi esforsu makas iha sira nia talentu Boxing nian iha Timor-Leste komesa aprende ona hodi kompete iha eventu boxing nian.
“Hau rekomenda ba governu atu fasilita liu-liu tau matan ba Amatir sira ne’ebé tuir mai, alin sira mos agora boxista mos barak ona komesa hare Delio ninia susesu Delio ninia manan sai hanesan matadalan boot ida sai hanesan roman ba alin sira joventude sira ne’ebé tuir mai ne’ebé ba oin Delio ho Dani maka hanesan sira nia matadalan loke dalan liu tan atu nune’e ita tau matan liu ba alin sira kikoan-kikoan sira ba joventude sira ne’ebé sae mai liu-liu agora sira amatir ne’ebé ke ba oin nafatin ne’e” nia informa
Enkuantu, liu husi vitoria Boxing ne’e sira lori Timor-Leste nia naran laos ba sira nia an ka grupu balun nian maibe iha rin leten ho Bandeira Nasionál RDTL nian.
Tuir observasaun Zeus News iha terenu nota katak Boxista Profisional Timor-Leste nain rua ne’e mai ho Aviaun Aero Dili no sai husi odamatan familia tara tais no tau kaebauk iha ulun nu’udar simbolu identidade kulturál Timor-Leste nian, ho ida ne’e komunidade hamutuk ho adeptus Timor-Leste halo komboiu husi Aeroportu Internasional Nicolau Lobato Komoro ho bandeira Timor-Leste tama to iha nia fatin deskansa.
Boxista nain rua ne’e simu husi familia no komunidade Timor-Leste liu-liu joventude husi nia adeptus iha Aeroportu Internasional Nicolau Lobato ne’e Boxista profisional Delio Anzaqueci Mouzinho hamonu matan ben tanba senti vitoria ne’e esforsu ida ne’ebé naruk tanba ne’e ba Timor nia diak ba futuru liu husi Boxing ida ne’e.
Jornalista: Aniceto da Silva
