Dili, 27 Jullu 2026-Diretora Jeral Fokupers Domingas Amaral, apresia ba IX Governu Konstitusional ne’ebé lideradu husi Primeiru-Ministru (PM), Kay Rala Xanana Gusmão hodi foti desizaun ne’ebé seriu nune’e ezonera Presidente Autoridade Munisipal Aileu (PAM-A), João Bosco dos Santos.
“fokupers hakarak fo apresiasaun tanba governu liu husi Primeiru Ministru mos foti desizaun ida ne’ebé mak ho seriu atu bele ezonera Presidente Autoridade Munisipiu husi ninia pozisaun ne’ebé mak dadaun ne’e nia titula ba” dehan diretor Jeral Fokupers Domingas Amaral, ba jornalista sira iha salaun delta nova
Nia hatete, fokupers lamenta lideransa ne’ebé ho hahalok la tuir nu’udar lideransa nian, hodi asegura feto no labarik vulneravel sira iha Munisipiu Alieu nune’e bele livre husi diskriminasaun no hahalok insultu sira
“ba fokupers ami nia pozisaun ami lamenta, ami lamenta ho hahalok ka lider ema ne’ebé maka lolos hanesan iha pozisaun atu bele asegura katak feto labarik ema vulneravel sira hotu ema sira ne’ebé iha komunidade Aileu bele hetan moris ida ne’ebé livre husi diskriminasaun livre husi hahalok insultu no livre husi violensia maibe situasaun ne’e sei mosu, entaun ita triste ho ida ne’e” nia hateten
Parte Fokupers nia pozisaun halo aproximasaun lubuk ida ona no iha aproximasaun balun ne’ebé lao ho silensiu nia laran.
Nia haktuir, fokupers halo advokasia ida ne’ebé hodi halo aproximasaun no influensia ba desizaun politika nain sira, nune’e halo mos advokasia iha media sosial hodi hato’o estetmentu kritiku ba politiku nain sira hodi foti desizaun.
“ita halo advokasia ida ne’ebé maki ta aproxima ga influensia iha desizaun politika sira, entaun ita hare katak alende de ita halo advokasia iha media sosial atu hato’o ita nia estetmentu kritiku sira maibe ita mos influensia direita iha ema sira foti desizaun” nia hakotu
Kazu konfidensialidade vitima nian ne’e hola parte hotu ba kazu sira seluk ne’ebé resista ona iha uma mahon. Fokupers fo asistensia ba kazu sira hotu laos ba kazu iha Aileu ne’e deit, tanba ne’e fokupers nafatin suporta ba feto no labarik vulneravel sira ne’ebé hetan torturasaun husi parte sira.
Jornalista: Aniceto da Silva
