Dili, 15 Jullu 2026-projetu ne’e UNESCO no Centro Nasional Chega (CNC) hamutuk hodi dijitaliza arkivu historia sira iha CNC nune’e bele transforma sai materia aprendizajen ba Estudante sira hodi nafatin konta tuir historia pasadu sira ne’e iha materia aprendizajen
Representante Diretora UNESCO Jakarta, Maki Katsuno Hayashikawa, hatete katak konferénsia internasionál kona-ba rekonsiliasaun no edukasaun ne’e hanesan parte husi projetu kolaborasaun entre UNESCO no Centro Nasional Chega (CNC) atu dijitaliza arkivu istóriku Timor-Leste no transforma ba materiál aprendizajen ba estudante sira, atu gerasaun foun komprende di’ak liu istória nasaun nian no fortalese reziliénsia, dame no dezenvolvimentu iha futuru
“Konferénsia ida ne’e hola parte husi projetu ne’ebé maka servisu hamutuk entre UNESCO ho chega konaba oinsa atu halo dijitalizasaun ba arkivu historiku sira ne’ebé maka lokaliza iha Centro Nasional Chega, oinsa atu transforma memoria husi arkivu hisotiriku sira ne’e bele transforma ba iha materiais aprendizajen ba estudante sira” dehan Representante Diretor UNESCO Jakarta, Maki Katsuno Hayashikawa iha hotel palm spring fatuhada dili
Tuir nia, liuhusi projetu ida ne’e, UNESCO hakarak asegura katak istória Timor-Leste bele transmite ba joventude no estudante sira ho maneira ne’ebé di’ak, atu sira komprende liu kona-ba pasadu nasaun nian, sai reziliente liu, no iha kapasidade atu kontribui ba manutensaun dame, rekonsiliasaun no dezenvolvimentu sustentável iha Timor-Leste.
Diretór Ezekutivu Centro Nasional Chega (CNC), Hugo Maria Fernandes, hatete katak parseria entre UNESCO no Centro Nasional Chega (CNC) hahứ iha tinan 2021 no sei remata iha tinan 2026. Liuhusi parseria ne’e, UNESCO fo apoiu ba CNC hodi halo dijitalizasaun ba arkivu istoriku sira, atu dokumentu importante sira bele preserva no uza ba edukasaun no investigasaun.
“Konferénsia ida ne’e husi parte ida deit husi parseria tinan lima hahu husi 2021 to agora konaba oinsa maka atu apoiu UNESCO ba iha Centro Chega hodi dijitaliza arkivu historiku sira iha ne’eba ne’e. Entaun iha tinan ba tinan ne’e ita sempre halo konferensia internasional hanesan ne’e ida ne’e ba dala uluk ita halo iha timor uluk ita halo iha korea do sul halo iha jakarta maibe tinan ida ne’e komu projetu atu to iha nia periodu atu hotu entaun deside atu halo iha ne’e” dehan Hugo Maria Fernandes
Konferénsia internasionál ida-ne’e lori tema “Husi Legadu Komisaun Lialos no Rekonsiliasaun: Memória no Istória hanesan Fonte ba Harii Dame.” Tema ida-ne’e destaka importánsia preserva no utiliza memória no istória Timor-Leste nian hanesan baze atu promove edukasaun, fortalese rekonsiliasaun, no kontribui ba harii dame ne’ebé sustentável ba jerasaun ohin no futuru.
Alende uniku iha Timor-Leste komisaun lia los hotu hari mos Centro Nasional Chega (CNC) tanba ne’e apoiu husi UNESCO ho Koica ne’e importante hodi kontinua servisu ne’ebé komisaun lialos no rekonsiliasaun halo ona
“Iha timor uniku iha mundu depois de komisaun lia los hotu hari Centro Chega ho ida ne’e maka apoiu ne’ebé maka mai husi UNESCO ho apoiu husi Koica nene importante la halimar atu fo kontinuidade ba servisu ne’ebé maka komisaun lialos no rekosiliasaun uluk halo tiha ona entaun ohin to aban ita rona peritus sira mai husi rai sira ne’ebé uluk iha tiha ona komisaun lialos ne’e” nia hakotu
Jornalista: Aniceto da Silva
