Manu-Fahi, 15 Jullu 2026-Instituto Nasional kombate HIV-SIDA (INCSIDA) kontinua hala’o sensibilizasun kona-ba transmisaun HIV-SIDA ba Juventude Partidu Kmanek Haburas Unidade Nasional Timor Oan (KHUNTO), iha Salão Paroquia Same
Presidente Instituto Nasional kombate HIV-SIDA (INCSIDA), Daniel Marçal agradese ba Estrutura Partidu Kmanek Haburas Unidade Nasional Munisipiu Manu-Fahi ne’ebé Organiza Juventude P.KHUNTO hodi Partisipa iha sensibilizasaun Virus HIV-SIDA ne’ebé realiza husi INCSIDA
“Agradese ba estrutura Partidu Khunto nian iha ne’e, bele lori alin sira para bele aprende rona, para bele asegura ema Partidu nian ho didi’ak atu hetan saúde ne’e di’ak, buat ida perigozu mak HIV ne’e, ne’ebé Joven sira imi kona tiha HIV Khunto ita atu lori ba ne’ebé, esforsu tok ba, para labele kona HIV ida idak tenke kontrola nia an” Hateten Presidente INCSIDA Daniel Marçal iha Salaun parokia Same
Diretora Nasional Promosaun Prevensaun no komunikasaun, Angelica Soares da Costa Oliveira hatene, HIV-SIDA da’et husi ema ida ba ema seluk nia kauza prinsipal mak relasaun Seksuál ne’ebé la Seguru no labele uza preventivu
“Moras hadaet husi relasaun seksuál nia kauza prinsipal, relasaun seksuál ne’ebé la seguru, gosta halo relasaun seksuál ho ema barak, multi parseria, pior liu tanba la uza Preservativo, relasaun seksuál iha Tipu tolu, Relasaun seksuál oinsa lulik ho ibu, relasaun seksuál oin lulik ho fo’er fatin, relasaun seksuál oin lulik ho oin Lulik, infeksaun ida ne’e bele liu husi inan ba oan, balu liu husi ran, maibe nia kauza prinsipal mak liu husi relasaun seksuál, HIV kona ita la hare ba ita ne’e se, kuandu ita boot halo riku tenke ba hasai ran” nia dehan
Koordenador Partidu Kmanek Haburas Unidade Nasional Timor Oan (KHUNTO), Munisipiu Manu-Fahi, Questão da C. konsidera sensibilizasaun Virus HIV-SIDA ne’ebé realiza husi INCSIDA ne’e importante tebes ba Joven sira husi Partidu Khunto nian no mós Joven sira seluk
“moris livre katak sex bebas, moris livre tenke banati tuir ita nia kultura, no fiar sakramentu batizmu no kaben tanba ita opta monogami la’ós poligami, sensibilizasun sira hanesan ne’e importante tebes la’ós de’it ba Jersaun ida agora maibe sai bukae ba jerasaun ida tuir mai” dehan Kordenador P.KHUNTO Munisipiu Manu-Fahi
Atu rekorda fali katak Munisipiu Manu-Fahi rejista ona kazu HIV-SIDA 45, husi número 45 ne’e, nain 12 mak lakon ona vida ka mate ona
Jornalista: Mateus F. de Deus
