Manu-Fahi, 16 Jullu 2026-Instituto Nasional kombate HIV-SIDA (INCSIDA), Hamutuk ho ekipa kontinua halo sensibilizasun kona-ba Transmisaun Virus HIV-SIDA Iha Suku Holarua, Posto Same Vila Munisipiu Manu-Fahi
Presidente Instituto Nasional kombate HIV-SIDA (INCSIDA), Daniel Marçal, husu Komunidade Suku Holarua atu Kuidadu an, husi moras HIV-SIDA, tanba laiha Aimoruk ida atu Kura Virus HIV-SIDA
“Apa Ama sira Alin sira, buat ida imi tau iha Ulun maka ne’e, katak HIV ne’e aimoruk laiha, quando aimoruk laiha ita kona ne’e rohan mak ita mate, moras ne’e at duni nia konsekuensia mak ita tenke mate, se ita hakarak moris ho Feto barak, hakarak moris ho mane barak” dehan Presidente INCSIDA, Daniel Marçal iha Suku Holarua Postu Same Villa
Diretora Nasional promosaun Prevensaun no komunikasaun Angelica Soares da Costa Oliveira reforsa tan katak, kauza prinsipal husi moras hada’et relasaun seksuál ne’e mak relasaun Seksuál ne’ebé la Seguru gosta troka parseiru
“Infeksaun ida ne’e ita konsidera Infeksaun problema saúde ida ne’ebé ataka ita nia orgaun jenital ka oin Lulik Feto no mane, infeksaun ida ne’e da’et relesaun ba ema seksuál ida ne’ebé la seguru, gosta troka troka parseiru seksuál, pois la uza tan Preservativo (Kondom) ne’e hahalok risku, HIV tama ba ema nia isin loron husi odamatan, Infeksaun ida ne’e kona o la hatene o ne se, ne’e presisa tau atensaun”
Xefe Suku Holarua, João Corte-Real agradese ba Presidente Instituto Nasional kombate HIV-SIDA, Daniel Marçal, ne’ebé ho inisiativa hodi hakat daruak ba Suku Holarua, no fahe informasaun kona-ba Moras HIV-SIDA ba komunidade Suku Holarua
“ha’u agradese ba Presidente INCSIDA tanba uluk mai tiha ona hau hakarak rekomenda mai tan dalan ida, hodi halo sensibilizasun ba povu hodi hatene sida mak HIV-SIDA, tanba buat ida ne’e kona ita laiha Kura, ne’ebé atensaun rona didi’ak lori ba fahe informasaun ba ita nia maluk sira ne’ebé la mai ne’e, para evita moras ne’ebé la Kura’ ne’ebé husu ita hotu rona didiak”
Tuir informsaun ne’ebé Munisipiu Manu-Fahi Rasik rejistu ona kazu HIV hamutuk 45 husi numeru 45 ne’e 12 lakon Vida ona, No husi Numeru 45 ne’e Suku Holarua ne’e Okupa iha numeu segundo no Suku Lete-Foho Okupa iha Numeru Primeiru
Jornalista: Mateus F. de Deus
