Manu-Fahi, 17 Jullu 2026-Presidente Institutu Nasionál Combate HIV-SIDA (INCSIDA), Samuel Marça hatete kuaze ema barak kona HIV iha Timor-Leste 2600 tanba ne’e iha Same 45, nune’e husu ba Same oan sira hodi Kuidadu an labele mate ho Virus HIV ne’e
“Ema kona HIV iha Timor-Leste 2600 inklui same nian 45, 45 ne’e mak kona husi ran ne’e witoan hela, mas husi relasaun seksuál bele atus haat ona, ne’ebe Same oan sira ita la Kuidadu didi’ak ita nia sei mate tiha hotu, kona HIV, mate ne’e destinu maromak nian maibe ita lakohi mate tanba HIV, ita sei moris ne’e esforsu hases an husi Virus HIV-SIDA” dehan Presidente INCSIDA, Daniel Marçal iha Suku Lete-Foho, Postu Same Villa
Diretora Nasional promosaun Prevensaun no komunikasaun, Angelica Soares da Costa Oliveira salienta, moras nia da’et prinsipal ne’e mak relasaun Seksuál ne’ebé la seguru, no labele uza Preservativo Kondom,
“Moras ne’e nia da’et prinsipal ne’e mak liu husi relasaun seksuál ida ne’e mak seguru balu liu husi Inan ba oan balu mos liu husi ran, maibe nia da’et prinsipal ne’e mak nia da’et husi relasaun seksuál ne’ebe la seguru, halo relasaun seksuál ho ema barak, halo ho ema ne’ebé ita la koñese, pior liu tan la uza Preservativo ka Kondom, ida ne’e ita konsidera hahalok risku ne’ebé fasilita ita kona infeksaun” nia salienta
Iha sensibilizasaun ne’e Presidente Instituto Nasional kombate HIV-SIDA (INCSIDA), Daniel Marçal agradese ba Autoridade Munisipiu Manu-Fahi ne’ebé fó apoiu tomak ba atividade sensibilizasaun husi INCSIDA ba Komunidade hotu iha Posto Same Vila, durante semana ida, no husu ba Komunidade Manu-Fahi atu labele halo relasaun seksuál Livre no labele tato uza daun ida atu bele Prevene an husi HIV-SIDA, no husi ema hotu atu halo Teste ba ran hodi hatene Moras
Jornalista: Mateus F. de Deus
