Dili, 21 Jullu 2026-Atleta Timor-Leste nain neen hasoru malu ho Ministru Juventude Desportu Arte no Kultura (MJDAK) molok sira ba kompete iha Holywing Sport Show (HSS) ne’ebé sei realiza iha loron 26 fulan Jullu ne’e
Ministru Juventude Desportu Arte no Kultura (MJDAK), Nelyo Izaac Sarmento hatete, iha semana ida ne’e iha eventu boot internasional nian iha Indonesia Bali, ne’ebé Timoroan lubuk ida hodi partisipa iha jogus profisional Boxista nian, eventu ne’e bolu Holywing Sport Show (HSS) iha Bali ne’ebé Indonesia mak promove no sai uma nain ba kompetisaun ne’e
“ita boot sira hatene katak iha semana ida ne’e iha eventu boxing internasional nian mais laos akontese iha timor maibe ita sei iha representasaun joven lubuk ida, boxista lubuk ida timoroan nian komesa atu ba partisipa iha jogus profisional boxing nian iha Bali, eventu ida ne’e ita bolu naran HSS ne’ebé Indonesia sira maka promove hanesan uma nain ba kompetisaun ne’e, kompetisaun entre boxista profisional Indonesia ho boxista profsional Timor-Leste nian” dehan Ministru Juventude Desportu Arte no Kultura (MJDAK), Nelyo Izaac Sarmentu iha Salaun MJDAK
Timor-Leste lori Boxista nain 6 ne’ebé iha klas diferente atu ba kompete ho Boxista Indonesia nian nain 6 iha Bali ne’ebé sei monu loron 26 fulan Jullu ida ne’e.
Governante ne’e salienta, hakarak fo espresa ba partisipasaun ita nian hodi fo oportunidade ba Boxista Timor-Leste ne’ebé tama ona profisional hodi hatudu sira nia prestasaun iha area Boxista ne’e iha rin leten.
Ministru argumenta, partisipasaun ita nian iha ne’eba laos buka atu manan deit maibe oinsa atu aprende ho Boxista sira seluk no mos aprende saida mak iha eventu internasional ne’e rasik
“ita espera katak ho partisipasaun ita nian iha ne’eba laos deit oinsa ita hakarak manan maibe ita mos hakarak aprende ho Boxista sira seluk inklui ho ita nia promotor lokal sira promotor timor nian ita mos bele aprende konaba realizasaun eventu profisional sira iha pais hanesan Indonesia ne’ebé ita nia promotor sira husi rai laran promotor mesak joven deit ne’ebé mos klori sira ba iha ne’eba atu ba mos oportunidade hodi aprende” nia argumenta
Governante hatete, nia fiar katak Boxista Timoroan sei hetan prestasaun iha eventu boot Holywing Sport Show (HSS) no sei hetan tan iha nivel ne’ebé as liu iha future oin mai
“hau espera katak sira bele hetan prestasaun, hetan prestasaun ne’e signifika katak dalan loke atu hetan tan prestgasaun ne’ebé iha nivel as liu tan iha tempu mai oin, tanba ne’e mak hau espera hau nia alin ne’ebé mak Boxista sira mos laos ba katak sira mak palin hebat liu ona maibe sira hakarak hatudu buat ne’ebé maka pelu menus bele jadi orgullu ba timoroan sira hotu” nia hatete
Nia haktuir, delegasaun fila fali husi Bali, governo hamutuk ho organizsaun federasaun Boxing Amadora nian no promotor, Boxing lokal Timor-Leste nian hodi avalia no hare fali eventu prestizu ne’ebé sai Timor-Leste nian rasik, hodi fo oportunidade ba Boxista internasional sira bele mai partisipa
Iha fatin hanesan Boxista Profisional Timor-Leste, Delio Anzaqueci Mouzinho hatete, nia preparadu ona hodi hasoru Boxista Profisional Indonesia Saroha Lumbantobing hodi disputa sintu Oriental and Pasific Boxing Federation (OPBF) iha loron 26 fulan ne’e
“hau preparadu hau sei hatudu hau nia jogu diak iha dia 26 de Jullu, espera katak buat ne’ebé maki ta hakarak no mos povu hakarak sei sai realidade” Delio Mouzinho haktuir
Jornalista: Aniceto da Silva
