Dili, 25 Agostu 2026-Institutu Nasional Kombate HIV-SIDA (INCSIDA) halo sensibilizasaun hodi hasa’e koñesimentu komunidade nian konaba moras HIV-SIDA iha aimutin, nune’e bele halo prevensaun ba sira an no ses husi sexu livre. Atividade ne’e realiza iha Aldeia Ramelau Delta, Suku Comoro, Postu Administrativu Dom Aleixu, Munisipiu Dili
President Institutu Nasional Kombate HIV-SIDA (INCSIDA), Daniel Marçal hatete, tuir estatistika ba kazu HIV-SIDA husi Dili kuaze sae ona besik 2 mill resin, ne’ebé kuaze transmite husi relasaun sexual.
“tuir estatistika ne’ebé ita hetan kazu HIV-SIDA ita iha dili atu besik ona rihun rua barak los agora kazu sira ne’e hotu hanesan baibain ita koalia ne’e maioria ne’e transmite husi relasaun sexual, agora pontesi ba relasaun sexual livre ne’e iha dili ne’e barak teb-tebes” dehan presidente INCSIDA, Daniel Marçal iha Suku Comoro
Alende ne’e parte Incsida kontinua nafaftin halo sensibilizasaun ba komunidade sira iha bairo suku sira nune’e komunidade no joven sira bele intende konaba moras HIV-SIDA hodi bele prevene an labele ransu livre.
INCSIDA nia esforsu hodi fo sensibilizasaun ba joven no komunidade sira hodi kontrola oan sira labele ransu livre no halo prevensaun, tanba moras ne’e nafatin sae makas la tun no hadaet ba nafatin tanba aimoruk atu kura moras HIV-SIDA ne’e la iha maibe oinsa atu halo prevensaun ne’e tenke ses husi sexu livre no evita halo relasaun sexual iha fatin hotel sira.
Enkuantu Presidente INCSIDA, mos halo ona parte autoridade Munisipiu sira hodi ba asunto ne’e no tau regulamentu ba fatin sira ne’ebé halo atividade negosiu kalan nian hanesan iha hotel ne’e presiza tau regulamentu hodi regulariza ba atividade sira ne’e.
Iha sorin seluk Xefe Suku Comoro Eligio J. D. Marçal afirma, halo sensibilizasaun iha aldeia Ramelau Delta ne’e tanba komunidade barak mak seidauk asesu informasaun konaba moras HIV-SIDA, no liu-liu ba joven sira nia prezensa hodi hatene no halo prevensaun ba virus ne’e.
“halo sensiblizasaun iha nia aldeia rasik kapas tanba iha aldeia rasik barak mak seidauk rona, ita presiza liu joven sira nia prezensa ida ne’e incsida laos moras ne’ebé maka ganpa maibe susar teb-tebes atu bele kura, entaun presiza” hatete Xefe Suku Comoro Eligio J. D. Marçal
Atividade sensibilizasaun ne’e importante no presiza joven nia partisipasaun hodi hatene moras HIV-SIDA, nune’e bele prevene an husi moras ne’e no ses husi sexu livre iha fatin-fatin.
Jornalista: Aniceto da Silva
