Covalima, 02 Setembru 2026-Tribunal Judisial Primeira Instansia Suai (TJPIS) kuarta-feira (02/09/2026), realiza prosesu Primeriu Interogatoriu (PI), ba arguido nain haat ho insial SNI, DC, JC ho AMA, relasiona ba kazu omesido simples ne’ebé Terezinha Cardoso lakon vida iha aldeia wetaba, posto adminsitrativo Tilomar, Munisipiu Kovalima.
Iha prosesu primeriu interogatoriu ne’e, Tribunál halo tiha identifikasaun no rona tiha arguidu nain-haat nia deklarasaun Tribunál deside hodi tama ba alegasaun Ministériu Públiku no parte Defeza nian.
Nune’e iha alegasaun Ministériu Públiku reprezenta Prokurador, Renato Bere Nahac husu Tribunál aplika medida koasaun Prizaun Preventiva ba arguidu nain haat.
No parte Defeza la aseita alegasaun Ministériu Públiku nian, ne’ebé husu Tribunal atu aplika medida Termu Identidade Rezidensia (TIR) hodi hein investigasaun.
Hafoin alegasaun Defeza ba arguidu, Defensor Públiku Domingos dos Santos hatete, iha alegasaun Ministériu Públiku (MP) nia husu Tribunal atu aplika medida koasaun Prizaun Preventiva ba arguidu nain-haat no parte Defeza nian husu Tribunál atu aplika medida TIR.
“Iha alegasaun Ministériu Públiku nia husu Tribunal atu aplika medida koasaun Prizaun Preventiva ba arguidu nain-haat ho inisial SNI, DC, JC ho AMA, no parte Defeza nia husu Tribunal atu aplika medida TIR ne’ebé mak adekuadu hodi hein investigasaun klean husi parte kompetente hodi bele apresenta provas sira ne’e iha julgamentu tuir mai iha processu komum normal”, dehan Defeza ba arguido nain haat Domingos dos Santos ba jornalista sira iha tribunal Suai
Hafoin rona tiha parte sira ne’e, Tribunal deside muda ba loron aban (kinta-feira), tuku 10:00 dader hodi rona despaxu ikus.
No Ministériu Públiku halo promosaun ba arguidu nain-haat ho krime omesido simples tuir artigo 138 Kodigo Penal Timor-Leste
Antes ne’e, Diresaun Servisu Investigasaun Krimal (DSIK) ho Diresaun Servisu Informasaun Polisia (DSIP) halo operasuan no Buska iha arguidu sira nia residensia.
Iha prosesu Primeiru Interogatoriu ne’e, prezide hosi Juiz Turno, Ministériu Públiku (MP) reprezenta Prokurador Renato Bere Nahac, no arguidu nain-haat hetan asistensia legal hosi Defensor Públiku Domingos dos Santos.
Tuir kronolojia katak, akontesimentu ne’e iha loron 24 Juñu tinan 2026. katak momentu ne’eba Matebeia Terezinha Cardoso fila husi nasaun vizino Indonesia lakon iha mota masin deskonfia lafaek mak tata, iha aldeia wetaba , posto adminsitrativo Tilomar, Munisipiu Kovalima.
Tuir observasaun husi jornalista nian, arguidu nain haat lori mai iha Tribunal utiliza ropa babain no liman tau Alzemado (Borgol), akompaña husi Komando Munisipiu Suai, SNI ho UPF.
Kontribuitor
