Covalima, 03 Setembru 2026–Tribunal Judisial Primera Instansia Suai (TJPIS), Kuita-Feira (03/09/26), liu husi despaixu ikus ba prosesu primeiru interogatoriu, deside aplika medida Prizaun Preventiva ba arguidu nain-haat ne’ebé deskonfia hakotu Terezinha Cardozu nia vida iha aldeia wetaba, posto adminsitrativo Tilomar, Munisipiu Kovalima.
Arguidu sira lori mai tribunal, no Ministeriu Publiku (MP) ne’ebé reprezenta prokurador Renato Bere Nahac promove arguidu sira ho krime omesido simples previstu tuir artigo 138 husi Kodigo Penal Timor-Leste (KPTL).
Rona tiha arguidu sira ne’e no iha despaixu Tribunal nian liu husi juiz estajiado Sipriano, deside aplika medida Prizaun Preventiva ba arguido nain-haat ho inisial SNI, DC, JC ho AMA, hanesan membru SNI nain-tolu no UPF nain-ida.
Antes ne’e iha alegasaun Ministériu Públiku reprezenta Prokurador, Renato Bere Nahac husu Tribunál aplika medida koasaun Prizaun Preventiva ba arguidu nain haat.
No parte Defeza la aseita alegasaun Ministériu Públiku nian ne’ebé husu Tribunal atu aplika medida Termu Identidade Rezidensia (TIR) hodi hein investigasaun.
Prosesu ne’e prezide husi juiz estajia Sipriano Ministériu Públiku (MP) reprezenta husi prokurador Renato Bere Nahac arguidu sira hetan asistente legal husi Defensor Públiku Domingos dos Dantos.
Rekore katak, arguidu sira ne’e Tribunal Diresaun Servisu Investigasaun Krimal (DSIK) ho Diresaun Servisu Informasaun Polisia (DSIP) halo operasuan no Buska iha loron 31/08/26, iha arguidu sira nia residensia bazeia ba Núk. 0016/26. CVSUI tanba deskonfia komete krime omesido semples ne’ebé Terezinha Cardozu lakon vida.
Kontribuitor
