Dili, 15 Setembru 2026-Sekretariu Jeral, Partidu Congresu Nasional Rekonstrusaun de Timorénse (P.CNRT), realiza serimonia tomada de posse ba estrutura divizaun hamutuk 1120, hodi prepara ba Eleisaun Presidensial 2027 no Eleisaun Parlamentar 2028
Sekretariu Jeral Partidu CNRT Francisco Kalbuady Lay hatete, husu estrutura divizaun sira atu servisu makas hodi kontribui ba Partidu no dezenvolvimentu hodi hasoru Eleisaun Presidensial no Parlamentar
“imi mai ita hotu hotu hamutuk iha misaun rua agora boot, ida mak elesisaun Presidensial tuir kedas 2028 eleisaun Parlamentar, agora fo servisu ba ita boot sira, kada divizaun tenke hamutuk hanoin saida mak imi bele kontribui ba Partidu ida ne’e liu liu interese povu ho rai ida ne’e ho lideransa ita nian Maun Boot” dehan Sekjer P.CNRT, Francisco Kalbuady Lay
Kalbuady Lay afirma, husu ba estrutura divizaun atu servisu hamutuk ho estrutura Nasional atu lori nafatin Kay Rala Xanana Gusmão ukun nafatin iha 2028- 2032
“imi mai ita hotu hotu hamutuk ho estrutura nasional atu lori partidu ne’e ba oin, fo ba Avo Nana ukun nafatin imi hotu tenke tuir avo Nana nia ain fatin” nia Afirma
Tuir observasaun Jornalista iha salaun 3 de Março Maubai Comoro Dili, atividade refere hetan partisipa maximu husi estrutura Nasional sira, no estrutura foun sira husi divizaun sira, akompaña mos husi militantes sira husi Partidu CNRT nian.
Jornalista: Mateus F. de Deus
