Dili, 16 Setembru 2026-Diretor Ezèkutivu FONGTIL Inoçençio Xavier hatete, informa governu no sosiedade sivil halo sensibilizasaun ba membru ong husi Munisipiu Sanulu Resin Rua inklui RAEOA antes atu partsipa iha konferensia komunidade ASEAN nian iha Filipina
“Tinan ida ne’e sai tinan importante ida, tanba tinan ida ne’e iha konferensia komunidade ASEAN nian iha Filipina. Antes ita desloka ba ne’eba, ita halo sensibilizasaun ba membru ONG sira ne’ebe mai husi munisipiu 12 inklui RAEOA. Atu sira fila-fila ba sira nia fatin, hodi kontinua fahe informasaun no divulga informasaun loron-rua ba komunidade sira” dehan Diretor Ezekutivu FONGTIL, Inoçençio Xavier iha Salaun UCT Dili
Diretur Ezekutivu afirma katak, involve mos xefe suku sira iha dili laran hanesan lider komunitariu ne’ebé fahe mos informasaun kona-ba seguransa no direitus humanus, tanba Timor-Leste no ASEAN respeita direitus mutua ba direitus humanus.
“Dili ita envolve mos Sefe suku sira tanba sira hanesan lider komunitariu ne’ebé bele fahe informasaun relevante ho pilar sira ASEAN nian. ko’alia kona-ba pilar seguransa, pilar ekonomia, konektividade, rekursu umanu Direitus umanus tenke kontempla iha pilar ka iha plataforma ASEAN nian. Ita la ko’alia deit asuntu ekonomia, seguransa no konektividade, maibe ita ignora direitus umanus. Direitus umanus ne’e importante liu Timor-Leste ho ASEAN promove prinsípiu direitus umanus, respeitu mútua, no fo proteksaun no seguransa ba direitus umanus iha kontekstu ASEAN nian”
Gabinete Apoius Sosiedade Civil (GASC), Joaquim da Costa Freitas husu ba membru ONG sira hotu atu aproveita didiak matenek ne’ebé fahe husi orador sira tanba oportunidade mai dala ida de’it.
“Espera membru organizasaun partisipa iha workshop ne’e bele aprende matenek balu husi formador,Tamba aprendisajen Mai husi prosesu ida, husu ba membru organisaun sosidade sivíl hotu aproveita oportunidade nee aprende ho diak tanba oportunidade Mai dala Ida deit Tamba nee tenki husu perguntas barak atu nune’e hatene buat barak nune’e iha futuru halo koneksaun ho organizasaun sosiedade sivíl husi Filipina Malasia Tailandia atu aprende ho sira”
Jornalista: Aniceto da Silva
