Dili, 15 Outubru 2026 — Komisaun Anti-Korrupsaun (CAC) fó formasaun no sensibilizasaun ba membru Polícia Nasionál Timor-Leste (PNTL), iha Sentru Formasaun Polísia, Komoro, Dili, atu hametin koñesimentu kona-ba krime komún, korrupsaun no komprensaun ba lei sira ne’ebé liga ho prevensaun no kombate korrupsaun, hodi asegura katak polísia hala’o sira-nia knaar tuir lei no padraun ne’ebé loos.
Komisariu Adjuntu prevensaun no sensibilizasaun, Rosario Salsinha Araújo relata, formasaun ne’e parte ida atu hadia sistema Polisia Nasional Nasional Timor-Leste (PNTL) nian iha Asuntu krime no korupusaun
“Ohin iha Formasaun ida ne’e atu aproxima liliu tan Polisia Komadante sira bele komprende oinsá servisu sira lagadu ho Asuntu kriminais korupsaun ninian ita hare iha parte oinsá hadia sistema iha servisu polísia ninian, ita nia nasaun infrenta hela problema lubuk ida ne’ebé polísia tenki infrenta, Servisu balun liga ba korupsaun, servisu balun liga ba komún polísia nian tenki kopera no asegura Krime sira ne’e, tenki diminui no dinamiza ho vontade tomak servisu polísia nian” dehan Asunto Adjunto komisariu (CAC), Rosario Salsinha Araújo iha Centro formasaun Akademiku PNTL komoro
Adjunto komisariu hatutan katak, formasaun no sensiabilizasaun ne’e atu fo hanoin ba Polisia Nasional Timor-Leste (PNTL) sira atu komprende lei liga ho asunto korupsaun.
“Ita tenki Fó hanoin ba ema hotu-hotu liliu instituisaun PNTL ne’ebé povu fiar katak labele iha tendensia atu komete liu ba eru sira korupsaun nian’ ita aprensta mós oinsá mak instituisaun PNTL ho ninia estrutura tomak tenki hola parte kopera no komprende assunto sira lei penais nian ne’ebé liga ho asuntu sira korupsaun nian” nia hatutan
Segundu Komandante ISIPOL Superientendente Xefe, Joni Viana konsidera formasaun husi komisaun Anti korupsaun (Sigla portuges CAC) ne’e importante tebes ba PNTL atu iha koñesimentu kona-ba lei nune’e labele sala iha prosesu ezekusaun iha terenu
“Formasaun ida ne’e importante tebes tanba liga ho lei númeru 17/2020 kona ba médidas prevensaun no kombate Korupsaun Hanesan Ajente da seguransa hanesan mós aparellu estadu ho ida ne’e PNTL tenki iha mós koñesementu ba lei sira ne’e para atu nune’e iha ezukasaun no misaun iha terenu labele sala tenki tuir padraun ne’ebé los” nia hakotu
Jornalista Mateus F.de Deus
