Dili, 14 Outubru 2026 — Instituto Nasionál Kombate HIV-SIDA (INCSIDA), hamutuk ho autoridade seguransa no autoridade lokál, hala’o atividade sensibilizasaun no prevensaun kona-ba vírus HIV-SIDA ba komunidade iha Suku Kuluhun, Munisípiu Dili, ho objetivu atu hasa’e koñesimentu komunidade nian kona-ba risku infesaun HIV-SIDA no importánsia prevensaun.
Presidente Instituto Nasional Kombate HIV-SIDA (INCSIDA), Daniel Marçal hatete katak, Kazu HIV-SIDA sae makas iha Dili, tanba atividade Sex livre, no ema barak ba tes ran
“Dili ne’e kazu barak liu kompara ho munisipiu sira seluk, kazu barak liu ne’e iha buat rua, ida ema barak ba tes ran, entaun fasil los ita hetan kazu ne’e barak kompara ho uluk, segundu iha kazu foun tanba atividade sexu livre, ema sira gosta troka parseiru Seksual” dehan Presidente INCSIDA Daniel Marçal iha suku kuluhun
Nia informa katak, Institutu Nasionál Kombate HIV-SIDA (INCSIDA) halo prevensaun ba HIV-SIDA ne’ebé servisu hamutuk ho Ministeriu da Saúde (MS), Autoridade Munisipiu Dili no Autoridade Seguransa husi PNTL ne’e ho objetivu atu halo intervensaun ba risku HIV-SIDA
“Atu hatun risku ba HIV ne’e ita konvida Ministeriu Saúde autoridade munisipiu Dili, Parte PNTL nian mai hamutuk ho ita halo intervensaun ho materia oioin, objetivu ida hasae ema nia konsensia para muda hahalok risku, ema nia hahalok risku ne’e hatun ona, otomatikamente kazu foun ne’e mos tun ona, ita hakarak tenke rona informasaun kona-ba HIV ne’e” nia informa
Xefe Suku Kuluhun, Deus D. Martins konsidera atividade Sosializasaun Virus HIV-SIDA ne’e importante tebes ba Komunidade Suku Kuluhun sira hodi hatene no halo prevensaun ba moras HIV ne’e
“Sosializasaun HIV-SIDA ba Suku Kuluhun importante para fahe informasaun ba ita nia oan ba ita nia sidadaun sira ne’ebé ohin dader ida ne’e hamutuk ho ita hotu iha ne’e, iha loron ida ne’e ita nia presidente Kombate HIV-SIDA ho nia ekipa to iha ne’e orgollu bot ida, presiza tebes ita bot sira nia sosializasum ba komunidade Suku Kuluhun” afirma Xefe Suku Kuluhun
Jornalista: Mateus F. de Deus
